Liverpool ចាប់អារម្មណ៍ក្នុងការចុះហត្ថលេខាខ្សែបម្រើស្លាប Michael Olise របស់ក្លឹប Bayern Munich

ផ្សេងៗ
March 4th, 2026 (2 hours)
42 Views
Share

ក្លឹប Liverpool ត្រូវបានរាយការណ៍ថា ចាប់អារម្មណ៍ក្នុងការទិញកីឡាករ Michael Olise របស់ Bayern Munich ដើម្បីយកទៅជំនួសតំណែងរយៈវែងរបស់ Mohamed Salah។ ក្លឹបកំពុងរៀបចំ ផែនការជាមុនសម្រាប់ការបាត់បង់ Salah ដែលអាចនឹងចាកចេញទៅប្រកបអាជីពនៅក្នុងលីគកំពូលអារ៉ាប៊ីសាអូឌីត Saudi Pro League។

បើយោងតាម German Bild រាយការណ៍ថា ការចាប់អារម្មណ៍របស់ Liverpool ទៅលើ Olise គឺ ជារឿងពិត ដោយមានការពិភាក្សាផ្ទៃក្នុងអំពីលទ្ធភាពទិញកីឡាករនេះ ខណ:ក្លឹប Bayern Munich អាចនឹងពិចារណាការទទួលសំណើ ប៉ុន្តែលុះត្រាណាតែក្នុងតម្លៃមួយខ្ពស់ប៉ុណ្ណោះ។ របាយការណ៍ក៏បញ្ជាក់ថា Liverpool មើលឃើញ Olise ជាជម្រើស ដែលអាចជួយនៅក្នុងតំបន់ប្រយុទ្ធ និងជាអនាគតរយ:ពេលរបស់ក្លឹប។

ការទិញ Olise របស់ ហង្សក្រហម រំពឹងថា អាចនឹងមានតម្លៃខ្ពស់ប្រហែល 130លានអឺរ៉ូ។ ការវិនិយោគដ៏ធំនេះបង្ហាញពីមហិច្ឆតារបស់ Liverpool ក្នុងការទិញកីឡាករ ដែលមានទេពកោសល្យ ដើម្បីពង្រឹងសមត្ថភាពប្រយុទ្ធរបស់ខ្លួន បន្ទាប់ពី Mohamed Salah ចាកចេញ។ ក្លឹប Liverpool ត្រៀមខ្លួនចំណាយយ៉ាងច្រើន ដើម្បីធានាថា ពួកគេនៅតែប្រកួតប្រជែងនៅកម្រិតខ្ពស់ និងរក្សាភាពរឹងមាំរបស់ក្រុមសម្រាប់រដូវកាលខាងមុខ៕

អត្ថបទទាក់ទង

Liverpool ចាប់អារម្មណ៍ក្នុងការចុះហត្ថលេខាខ្សែបម្រើស្លាប Michael Olise របស់ក្លឹប Bayern Munich

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស