អគារ Empire State Building បំភ្លឺពណ៌ទង់ជាតិអាមេរិក កាណាដា និង ម៉ិកស៊ិក សម្រាប់ការរាប់ថយក្រោយទៅកាន់ព្រឹត្តិការណ៍ World Cup

បាល់ទាត់
March 4th, 2026 (2 hours)
17 Views
Share

មន្ត្រីសហរដ្ឋអាមេរិក កាណាដា និង ម៉ិកស៊ិក បានប្រារព្ធពិធីរាប់ថយក្រោយដែលនៅសល់ត្រឹមតេ ១០០ ថ្ងៃទៀតប៉ុណ្ណោះ នឹងដល់ពេលចាប់ផ្តើមព្រឹត្តិការណ៍ FIFA World Cup 2026 ដោយអគារ Empire State Building ត្រូវបានបំភ្លឺភ្លើងរំលេចពណ៌ទង់ជាតិនៃប្រទេសម្ចាស់ផ្ទះទាំងបី កាលពីថ្ងៃអង្គារម្សិលមិញនេះ ។

នាយកប្រតិបត្តិ និងអគ្គលេខាធិការរបស់សហព័ន្ធបាល់ទាត់សហរដ្ឋអាមេរិកលោក JT Batson នាយកប្រតិបត្តិនៃគណៈកម្មាធិការ FIFA World Cup 2026 ប្រចាំទីក្រុងញូវយ៉ក–ញូវជើស៊ី លោក Alex Lasry ប្រធានសហព័ន្ធបាល់ទាត់កាណាដាគឺលោក Peter Augruso និងអគ្គលេខាធិការសហព័ន្ធបាល់ទាត់ម៉ិកស៊ិក លោក Inigo Riestra បានចូលរួមប្រារព្ធពិធីនេះឡើង ជាមួយនិងរូបតំណាងឱ្យប្រទេសដែលជាម្ចាស់ផ្ទះទាំង៣ ។

លោក Batson បាននិយាយថា សហព័ន្ធបាល់ទាត់សហរដ្ឋអាមេរិក កំពុងផ្តោតលើការរៀបចំឱ្យក្រុមជម្រើសជាតិមានលក្ខខណ្ឌល្អបំផុតដើម្បីដណ្តើមជ័យជម្នះ និងធានាថាប្រជាជនទូទាំងប្រទេសទទួលអារម្មណ៍ថាខ្លួនជាផ្នែកមួយនៃព្រឹត្តិការណ៍នេះ និងប្រើឱកាសនេះដើម្បីពង្រីកការចូលរួម និងជួយជំរុញដំណើរការកីឡាបាល់ទាត់នេះឱ្យកាន់តែអធឹកអធម ។

គាត់បានបន្ថែមថា ដោយសង្កត់ខ្លឹមសារសំខាន់ថានេះជាកីឡាមួយប្រភេទដែលនាំមនុស្សមកជួបជុំគ្នា មិនគិតពីអាយុ និងប្រវត្តិ ពណ៌សំបុរអ្វីទេ អ្នកនឹងញញឹមជាមួយការប្រកួតបាល់ទាត់ បាល់ទាត់ជាភាសារបស់ពិភពលោក និងជាបទពិសោធន៍ដែលបង្រួបបង្រួមមនុស្សលោក ហើយការត្រលប់មករៀបចំធ្វើនៅសហរដ្ឋអាមេរិកជាលើកដំបូងក្នុងរយៈពេល ៣០ ឆ្នាំ នឹងបង្កើនឥទ្ធិពលធំធេងជាងព្រឹត្តិការណ៍ World Cup មុនៗដែលយើងធ្លាប់ឃើញ ។

ប្រភព៖
https://www.reutersconnect.com/discover/sports-visuals?id=tag%3Areuters.com%2C2026%3Anewsml_RW054003032026RP1%3A6

អត្ថបទទាក់ទង

អគារ Empire State Building បំភ្លឺពណ៌ទង់ជាតិអាមេរិក កាណាដា និង ម៉ិកស៊ិក សម្រាប់ការរាប់ថយក្រោយទៅកាន់ព្រឹត្តិការណ៍ World Cup

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស