កីឡាករវាយកូនបាល់ Sinner បន្តបង្ហាញភាពខ្លាំងនៅព្រឹត្តិការណ៍ប្រកួត Indian Wells Open

កីឡាចម្រុះ
March 9th, 2026 (4 hours)
47 Views
Share

កីឡាករលំដាប់លេខ ២ ពិភពលោក Jannik Sinner បានឡើងទៅកាន់វគ្គ ១៦ នាក់ចុងក្រោយនៃព្រឹត្តិការណ៍ ATP Indian Wells Open យ៉ាងងាយស្រួល បន្ទាប់ពីឈ្នះកីឡាករកាណាដា Denis Shapovalov ដោយលទ្ធផល ២ សិតជាប់គ្នា កាលពីថ្ងៃអាទិត្យម្សិលមិញ ។

កីឡាករអ៊ីតាលីរូបនេះចំណាយពេលត្រឹមតែ ៧១ នាទីប៉ុណ្ណោះ ដើម្បីយកជ័យជម្នះ ៦-៣ និង ៦-២ ទៅលើគូប្រកួតរបស់ខ្លួន ។ ក្នុងនាមជាកីឡាករលេខរៀងទី២ក្នុងព្រឹត្តិការណ៍នេះ Jannik Sinner នឹងត្រូវជួបអ្នកឈ្នះរវាងកីឡាករអាមេរិក Tommy Paul ឬក៏កីឡាករប្រេស៊ីល Joao Fonseca ក្នុងជុំបន្ទាប់ ដើម្បីប្រជែងកៅអីទៅកាន់វគ្គ៨នាក់ចុងក្រោយ ។

ចំណែកកីឡាករអាល្លឺម៉ង់ជាប់ចំណាត់ថ្នាក់ទី៤ Alexander Zverev បានយកឈ្នះកីឡាករម្ចាស់ផ្ទះដែលជាប់ចំណាត់ថ្នាក់ទី២៨ គឺកីឡាករ Brandon Nakashima ដោយលទ្ធផល ៧-៦(២) ៥-៧ និង៦-៤។

ក្នុងពេលជាមួយគ្នានេះ កីឡាករអាមេរិក Learner Tien បានបង្កការភ្ញាក់ផ្អើល ដោយយកឈ្នះកីឡាករចំណាត់ថ្នាក់ទី៨ Ben Shelton ដោយលទ្ធផល ៧-៦(៣) ៤-៦និង ៦-៣ ក្នុងការប្រកួតរវាងកីឡាករអាមេរិកដូចគ្នា។

ប្រភព៖
https://www.reutersconnect.com/discover/sports-visuals?id=tag%3Areuters.com%2C2026%3Anewsml_RW208208032026RP1%3A3

អត្ថបទទាក់ទង

កីឡាករវាយកូនបាល់ Sinner បន្តបង្ហាញភាពខ្លាំងនៅព្រឹត្តិការណ៍ប្រកួត Indian Wells Open

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស