សោកស្ដាយ! អ៊ីតាលីខកខានព្រឹត្តិការណ៍ World Cup ៣លើកជាប់ៗគ្នា

FIFA World Cup, បាល់ទាត់
April 1st, 2026 (8 hours)
40 Views
Share

សុបិនអាក្រក់របស់អ៊ីតាលីនៅតែបន្ត ក្រុមជើងឯកពិភពលោក ៤សម័យ មិនអាចឡើងទៅកាន់ World Cup 2026 ដែលជាការខកខានជាប់គ្នាលើកទី៣។ អ៊ីតាលីត្រូវបានគេចាត់ទុកថាជាក្រុមខ្លាំងមួយនៅលើពិភពលោក ហើយការចុះខ្សោយរបស់ពួកគេ ធ្វើឲ្យមានភាពភ្ញាក់ផ្អើលយ៉ាងខ្លាំង ជាពិសេសបន្ទាប់ពីការធ្លាក់ត្រឹមវគ្គចែកពូល កាលពីឆ្នាំ 2014 ដែលគ្មាននរណាគិតថា ពួកគេធ្លាក់ទម្រង់ដល់កម្រិតនេះសោះ។

កាលពីយប់មិញ នៅក្នុងការប្រកួត Playoff ជាមួយក្រុមជម្រើសជាតិ Bosnia and Herzegovina នៅទីក្រុង Zenica។ អ៊ីតាលីបានចាប់ផ្តើមការប្រកួតធ្វើបានល្អ ដោយខ្សែប្រយុទ្ធ Moise Kean ស៊ុតបញ្ចូលទីនៅនាទីទី15 ប៉ុន្តែការប្រកួតបានផ្លាស់ប្តូរ មុនពាក់កណ្តាលម៉ោង នៅពេលខ្សែការពាររបស់អ៊ីតាលី Alessandro Bastoni ទទួលបានកាតក្រហម។ ដោយនៅសល់តែ 10នាក់ អ៊ីតាលីមានការលំបាក ហើយ Bosnia បានតាមស្មើតាមរយៈខ្សែប្រយុទ្ធ Haris Tabakovic នៅនាទីទី 79 ដែលនាំឲ្យការប្រកួតឈានទៅបាល់ប៉េណាល់ទីកាត់សេចក្ដី។

នៅក្នុងការទាត់បាល់ប៉េណាល់ទីកាត់សេចក្ដី អ៊ីតាលីបានបរាជ័យយ៉ាងខ្លាំង។ ខ្សែប្រយុទ្ធ Francesco Pio Esposito និងខ្សែបម្រើ Bryan Cristante ស៊ុតមិនចូល ខណៈដែល Bosnia បានស៊ុតចូលទាំង 4 គ្រាប់ ដើម្បីធានាការឡើងទៅវគ្គបន្ទាប់។ លទ្ធផលនេះបន្ថែមទៅក្នុងប្រវត្តិអាក្រក់របស់អ៊ីតាលី ដែលបានខកខាននៅឆ្នាំ 2018 (ចាញ់ស៊ុយអែត) និង 2022 (ចាញ់ North Macedonia) មានន័យថាពួកគេមិនបានលេង World Cup ចាប់តាំងពីឆ្នាំ 2014 មក។

សម្រាប់អ៊ីតាលី នេះមិនមែនជាការបរាជ័យធម្មតាទេ ប៉ុន្តែជាការធ្លាក់ចុះដ៏ធំមួយក្នុងប្រវត្តិសាស្ត្របាល់ទាត់ ពិសេសសម្រាប់ប្រទេសដែលធ្លាប់ឈ្នះពាននេះចុងក្រោយនៅឆ្នាំ 2006។

អត្ថបទទាក់ទង

សោកស្ដាយ! អ៊ីតាលីខកខានព្រឹត្តិការណ៍ World Cup ៣លើកជាប់ៗគ្នា

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស