Barcelona ត្រៀមបញ្ចប់កិច្ចសន្យាជាមួយខ្សែការពារ Samuel Umtiti ក្រោយមិនអាចសម្រេចការព្រមព្រៀងថ្មី

បាល់ទាត់
November 24th, 2021 (3 years)
1010 Views
Share

ខ្សែការពារកណ្ដាល ដែលឈ្នះពាន FIFA World Cup ជាមួយក្រុមជម្រើសជាតិបារាំង បាននិយាយថា គេចង់បន្ដលេងនៅ Barcelona និងព្យាយាមប្រជែងយកតំណែងក្នុងក្រុម ក្រោយត្រលប់មកទីលាន បន្ទាប់ពីមានបញ្ហារបួសយ៉ាងច្រើន។

ប៉ុន្ដែគេមិនទទួលបានការផ្ដល់ឱកាសពីសំណាក់អ្នកចាត់ការ Ronald Koeman ដែលមិនជ្រើសរើសគេឱ្យលេងក្នុងជម្រើសនៃការប្រកួត មុនពេលលោកត្រូវបានបញ្ចប់តំណែង។
យ៉ាងណាក្ដីក្រោយពីផ្លាស់ប្ដូរគ្រូបង្វឹកថ្មី ក្លិបក៏នៅតែមានការផ្លាស់ប្ដូរមួយចំនួនផងដែរនៅលើទីលានជាពិសេសគឺកីឡាករ ហើយយោងតាមការចុះផ្សាយរបស់សារព័ត៌មាន SPORT បានឱ្យដឹងថា Barcelona ពិបាកក្នុងការឈានដល់ការព្រមព្រៀងជាមួយ Umtiti ចំពោះការបន្ថយកិច្ចសន្យាជាមួយក្លិប ហើយពួកគេអាចនឹងជ្រើសយកជម្រើសផ្សេង។

ការរាយការណ៍បានអះអាងថា Barca ព្យាយាមចរចាជាមួយខ្សែការពាររូបនេះ ដើម្បីបញ្ចប់កិច្ចសន្យារបស់គេ។ នេះមានន័យថា ក្លិបត្រូវចំណាយលុយដើម្បីបញ្ចប់កិច្ចសន្យាមុនពេល ដែលត្រូវផុតកំណត់នៅរដូវក្ដៅឆ្នាំ ២០២៣។

កុំភ្លេចរង់ចាំទស្សនា កម្មវិធី CBS Fantasy League ដែលចាក់ផ្សាយរៀងរាល់ថ្ងៃសុក្រ វេលាម៉ោង ២១:០០ – ២២:០០។

ទស្សនាការប្រកួតដ៏ជក់ចិត្តបណ្តើរ ឆាតលេងកម្សាន្តបណ្តើរ ប៉ុន្តែកុំភ្លេចដាក់រូបភាពរបស់លោកអ្នកនៅតេឡេក្រាមផង ពេលនោះលោកអ្នកនឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អត្ថបទទាក់ទង

Barcelona ត្រៀមបញ្ចប់កិច្ចសន្យាជាមួយខ្សែការពារ Samuel Umtiti ក្រោយមិនអាចសម្រេចការព្រមព្រៀងថ្មី

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស