UEFA នឹងបាត់ចំណូល ៩ពាន់លានដុល្លារក្នុងមួយរដូវកាល បើ FIFA World Cup ប្តូរទៅធ្វើ២ឆ្នាំម្តង

បាល់ទាត់
November 25th, 2021 (4 years)
1759 Views
Share

សហព័ន្ធបាល់ទាត់ពិភពលោក FIFA ដាក់គម្រោងប្តូរការប្រកួត World Cup ទៅរៀងរាល់២ឆ្នាំម្តង។ គម្រោងនេះ នឹងធ្វើឱ្យក្លិបក្នុងលីគបាល់ទាត់ធំៗ រួមទាំងសហព័ន្ធបាល់ទាត់អឺរ៉ុប UEFA នឹងបាត់ចំណូលប្រមាណ ៩ពាន់លានដុល្លារក្នុងមួយរដូវកាល។

បើតាមការផ្សាយរបស់ Reuters បានបង្ហាញថា ការផ្លាស់ប្តូរ FIFA World Cup ពី៤ឆ្នាំ ទៅ២ឆ្នាំម្តង មិនត្រឹមតែកាត់បន្ថយប្រាក់ចំណូលរបស់ក្លិបប៉ុណ្ណោះទេ តែវានឹងប៉ះពាល់ដល់អារម្មណ៍របស់អ្នកទស្សនាទាំងនៅក្នុងការប្រកួតបាល់ទាត់ពិភពលោកក្របខណ្ឌអឺរ៉ុប និងប្រកួតលីគ។
World Cup ប្តូរទៅធ្វើរៀងរាល់២ឆ្នាំម្តង នឹងធ្វើឱ្យការប្រកួតអន្តរជាតិញឹកញាប់ជាងមុន ហើយការប្រកួតក្នុងលីគត្រូវប្តូរទៅថ្ងៃធ្វើការច្រើនជាងមុន ដែលនាំឱ្យអ្នកគាំទ្រមួយចំនួនបាត់វត្តមាន។

វាក៏នឹងកាត់បន្ថយចំណាប់អារម្មណ៍របស់ម្ចាស់ផ្សាយពាណិជ្ជកម្មលើបាល់ទាត់ក្នុងស្រុក ធ្វើឱ្យមានភាពតានតឹងដល់កីឡាករ ហើយទម្រង់លេងរបស់ពួកគេកាន់តែធ្លាក់ចុះ។

គម្រោងរបស់ FIFA នេះនឹងធ្វើឱ្យលីគបាត់ចំណូលពីការលក់សិទ្ធិផ្សាយតាមទូរទស្សន៍ បាត់ចំណូលពីការប្រកួត និងការផ្សាយពាណិជ្ជកម្មក្នុងចំនួនដ៏ច្រើនជាង៩ពាន់លានដុល្លារក្នុងមួយឆ្នាំៗ។ លោក Gianni Infantino បាននិយាយថា FIFA កំពុងពិភាក្សាអំពីការរៀបចំការប្រកួតបាល់ទាត់ពិភពលោករៀងរាល់ពីរឆ្នាំម្តង ជំនួសឱ្យការធ្វើ ៤ ម្តងដូចបច្ចុប្បន្ន។

លោក Arsene Wenger អតីតអ្នកចាត់ការ Arsenal ដែលសព្វថ្ងៃជាប្រធានផ្នែកអភិវឌ្ឍន៍របស់ FIFA និងជាអ្នកផ្តួចផ្តើមគំនិតផ្លាស់ប្តូរកាលប្រកួត World Cup នេះឡើង បានស្នើកាត់បន្ថយចំនួនការសម្រាកប្រកួតអន្តរជាតិនៅវគ្គជម្រុះ។ បុរសសញ្ជាតិបារាំងរូបនេះ ចង់រៀប World Cup ក្នុងឆ្នាំឆ្លាស់គ្នាជាមួយនឹងការប្រកួត Euro និង Copa America។ នេះបានន័យថា Euro រួច World Cup ហើយ Copa America វិលជុំតែម្តង។

កុំភ្លេចរង់ចាំទស្សនា កម្មវិធី CBS Fantasy League ដែលចាក់ផ្សាយរៀងរាល់ថ្ងៃសុក្រ វេលាម៉ោង ២១:០០ – ២២:០០។

ទស្សនាការប្រកួតដ៏ជក់ចិត្តបណ្តើរ ឆាតលេងកម្សាន្តបណ្តើរ ប៉ុន្តែកុំភ្លេចដាក់រូបភាពរបស់លោកអ្នកនៅតេឡេក្រាមផង ពេលនោះលោកអ្នកនឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

#អត្ថបទទាក់ទង
#UEFA

អត្ថបទទាក់ទង

UEFA នឹងបាត់ចំណូល ៩ពាន់លានដុល្លារក្នុងមួយរដូវកាល បើ FIFA World Cup ប្តូរទៅធ្វើ២ឆ្នាំម្តង

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស