×

ខ្សែបម្រើ Jude Bellingham រងពិន័យពីសមាគមបាល់ទាត់អាល្លឺម៉ង់ចំពោះការរិះគន់អាជ្ញាកណ្តាល

ខ្សែបម្រើសញ្ជាតិអង់គ្លេស Jude Bellingham ត្រូវបានពិន័យជាប្រាក់ចំនួន ៣៤.០០០ ផោន ដោយសមាគមបាល់ទាត់អាល្លឺម៉ង់ បន្ទាប់ពីការតវ៉ាសាកសួរអំពីការតែងតាំងអាជ្ញាកណ្តាល Felix Zwayer សម្រាប់ការប្រកួត Bundesliga របស់ Borussia Dortmund ជាមួយនឹង Bayern Munich។

Bellingham បានរិះគន់លោក Zwayer បន្ទាប់ពីការបរាជ័យ ៣-២ របស់ Dortmund ក្រោមថ្វីជើង Bayern Munich នៅក្របខណ្ឌ Bundesliga ដោយសំដៅលើការពិន័យរយៈពេល ៦ ខែរបស់មន្ត្រីសម្រាប់រឿងអាស្រូវរៀបចំការប្រកួតក្នុងឆ្នាំ២០០៥។

កីឡាករវ័យ១៨ឆ្នាំរូបនេះ ត្រូវបានផាកពិន័យពីបទ អាកប្បកិរិយាមិនដូចកីឡា។ Dortmund នឹងមិនប្តឹងឧទ្ធរណ៍ទេ។

ក្នុងអំឡុងពេលនៃការប្រកួតកាលពីចុងសប្តាហ៍កន្លងទៅលោកអាជ្ញាកណ្តាល Zwayer បានបដិសេធការប្តឹងឧទ្ធរណ៍របស់ Dortmund សម្រាប់ការពិន័យ មុនពេលផ្តល់ឱ្យគូប្រជែងនៅបាល់ពិន័យ ១១ ម៉ែត្រដោយកំហុសបាល់ប៉ះដៃ Mats Hummels។ Robert Lewandowski បានទាត់បញ្ចូលទីដើម្បីផ្តល់ឱ្យ Bayern ទទួលជ័យជម្នះ។ ការឈ្នះនោះបានធ្វើឱ្យ Bayern Munich នាំមុខ ៤ ពិន្ទុពីលើ Dortmund នៅលើកំពូលតារាងនៃ ក្របខណ្ឌ Bundesliga។

Bellingham បានចូលរួមជាមួយ Dortmund ពី Birmingham City ក្នុងខែកក្កដា ឆ្នាំ២០២០ ក្នុងកិច្ចព្រមព្រៀងមួយដែលអាចមានតម្លៃលើសពី ៣០ លានផោន។

កុំភ្លេចរង់ចាំទស្សនា កម្មវិធី CBS Fantasy League ដែលចាក់ផ្សាយរៀងរាល់ថ្ងៃសុក្រ វេលាម៉ោង ២១:០០ – ២២:០០។

ទស្សនាការប្រកួតដ៏ជក់ចិត្តបណ្តើរ ឆាតលេងកម្សាន្តបណ្តើរ ប៉ុន្តែកុំភ្លេចដាក់រូបភាពរបស់លោកអ្នកនៅតេឡេក្រាមផង ពេលនោះលោកអ្នកនឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អ្នកអាចចែករំលែកដោយ៖

Loading...
អត្ថបទទាក់ទង