គ្រូ Bayern Munich គាំទ្រការសម្រចចិត្តរបស់ Joshua Kimmich ជុំវិញការចាក់វាក់សាំងកូវីដ១៩

បាល់ទាត់
December 14th, 2021 (3 years)
1580 Views
Share

គ្រូបង្វឹកក្រុម Bayern Munich លោក Julian Nagelsmann កាលពីថ្ងៃចន្ទ ទី១៣ ខែធ្នូ បានសរសើរកិច្ចសម្ភាសរបស់កីឡាករ Joshua Kimmich ជាមួយទូរទស្សន៍អាល្លឺម៉ង់ ZDF ដោយនិយាយថា វាដល់ពេលដែលមនុស្សគ្រប់គ្នាបានឮទស្សនៈផ្ទាល់ខ្លួនរបស់ Kimmich ។

Kimmich បានប្រាប់ទូរទស្សន៍ ZDF ថាគេសោកស្តាយដែលមិនបានធ្វើការសម្រេចចិត្តដើម្បីទទួលបានវ៉ាក់សាំងកូវីដ១៩ ភ្លាមៗបន្ទាប់ពីខ្សែបម្រើរូបនេះត្រូវបានច្រានចោលរហូតដល់ខែមករា ដោយសារឥទ្ធិពលនៃវីរុសកូរ៉ូណាប្រភេទថ្មីនេះ។

កីឡាកររបស់ Bayern Munich ដែលបានត្រលប់មកហ្វឹកហាត់វិញកាយសម្បទាកម្រិតស្រាលវិញពេលនេះកំពុងជួបបញ្ហាសួតតិចតួច បន្ទាប់ពីឆ្លងកូវីដ១៩ កាលពីខែវិច្ឆិកា ហើយបាននិយាយកាលពីសប្តាហ៍មុនថា គេនឹងខកខានការប្រកួតដែលនៅសល់នៃឆ្នាំនេះ។
ក្នុងនោះ Kimmich គេក៏បានបង្ហាញកាលពីខែតុលាថា គេមិនបានចាក់វ៉ាក់សាំងទេ ហើយក្លិប បានចេញមុខគាំទ្រដែលជាទង្វើមួយដែលបង្កឱ្យមានការរិះគន់ពេញប្រទេសអាល្លឺម៉ង់។

Kimmich ថាគាត់យល់ពីការរិះគន់រឿងទាំងនេះមកលើរូបគេ ប៉ុន្តែខ្លះវាហួសទៅហើយ។

លោក Nagelsmann បាននិយាយថា វាជារឿងសំខាន់ដែល Kimmich បានផ្តល់ “ទស្សនៈផ្ទាល់ខ្លួនរបស់គេនាពេលនេះ ហើយបាននិយាយថា គាត់សង្ឃឹមថានឹងមានបញ្ហាទាក់ទងនឹងជំងឺកូវីដ១៩ តិចជាងនៅឆ្នាំ២០២២។

សូមបញ្ជាក់ថាពេលនេះ ក្លិប Bayern Munich ដែលមាន ៦ ពិន្ទុដាច់ក្រុមលេខ២ក្នុង Bundesliga ធ្វើដំណើរទៅជួប Stuttgart នៅថ្ងៃអង្គារនេះ។

កុំភ្លេចរង់ចាំទស្សនា កម្មវិធី CBS Fantasy League ដែលចាក់ផ្សាយរៀងរាល់ថ្ងៃសុក្រ វេលាម៉ោង ២១:០០ – ២២:០០។

ទស្សនាការប្រកួតដ៏ជក់ចិត្តបណ្តើរ ឆាតលេងកម្សាន្តបណ្តើរ ប៉ុន្តែកុំភ្លេចដាក់រូបភាពរបស់លោកអ្នកនៅតេឡេក្រាមផង ពេលនោះលោកអ្នកនឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អត្ថបទទាក់ទង

គ្រូ Bayern Munich គាំទ្រការសម្រចចិត្តរបស់ Joshua Kimmich ជុំវិញការចាក់វាក់សាំងកូវីដ១៩

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស