×

ខ្សែប្រយុទ្ធ Sergio Agüero ប្រកាសចូលនិវត្តន៍ពីបាល់ទាត់ជាផ្លូវការ

ខ្សែប្រយុទ្ធ Barcelona កីឡាករ Sergio Agüero បានប្រកាសថា រូបគេគាត់សម្រេចចិត្តចូលនិវត្តន៍ពីបាល់ទាត់ ក្នុងវ័យ៣៣ឆ្នាំ ទាំងភាពសោកសៅ។

មូលហេតុដែល Aguero ចូលនិវត្តន៍នេះគឺដោយសារតែ រូបគេមានបញ្ហាជំងឺបេះដូង ដោយបញ្ហានេះ គ្រូពេទ្យពិនិត្យឃើញថា គេមិនអាចចូលលេងបាល់ទាត់បានទៀតទេ។

នៅក្នុងសន្និសីទសារព័ត៌មាននៅឯកីឡដ្ឋាន Camp Nou មានការចូលរួមដោយលោក Joan Laporta ប្រធានក្លិប Barcelona ផងនោះ Aguero បាននិយាយទាំងទឹកភ្នែកថា៖ ” សុខភាពរបស់ខ្ញុំជាចម្បង។ ខាងក្រុមគ្រូពេទ្យពួកគាត់បានប្រាប់ខ្ញុំថា ជម្រើសល្អបំផុតគឺឈប់លេង អញ្ចឹងឥឡូវនេះខ្ញុំនឹងចាកចេញពី Barcelona ហើយក៏ចូលនិវត្តន៍ពីអាជីពបាល់ទាត់នេះផងដែរ”។

ក្នុងការប្រកាសចាកចេញពីអាជីពលើវាលស្មៅរបស់កីឡាករអាហ្សងទីនរូបនេះ លោក Pep Guardiola គ្រូបង្វឹករបស់ Man City ក៏បានធ្វើដំណើរមកកាន់ក្លិប Barcelona ដើម្បីចូលរួមលាទៅកាន់អតីតកូនក្រុមដែលលោកធ្លាប់បង្វឹកផងដែរ។

គួរបញ្ជាក់ថា Sergio Agüero បានចាកចេញពីក្លិប Atletico Madrid ចូលរួមជាមួយ Man City កាលពីឆ្នាំ២០១១ ក្នុងរយៈពេល១០ឆ្នាំជាមួយក្លិបមេឃខៀវ Aguero បានក្លាយជាកីឡារកគ្រាប់បាលច្រើនបំផុតនៅក្នុងក្លិបដោយស៊ុតបញ្ចូលទីសរុប២៥៧គ្រាប់នៃការបង្ហាញខ្លួនចំនួន ៣៨៤ប្រកួតរួមជាមួយការឈ្នះពាន Premier League ចំនួន៤ដង, League Cup ៥ដង និងFA Cup ចំនួន១ដង។

កុំភ្លេចរង់ចាំទស្សនា កម្មវិធី CBS Fantasy League ដែលចាក់ផ្សាយរៀងរាល់ថ្ងៃសុក្រ វេលាម៉ោង ២១:០០ – ២២:០០។

ទស្សនាការប្រកួតដ៏ជក់ចិត្តបណ្តើរ ឆាតលេងកម្សាន្តបណ្តើរ ប៉ុន្តែកុំភ្លេចដាក់រូបភាពរបស់លោកអ្នកនៅតេឡេក្រាមផង ពេលនោះលោកអ្នកនឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អ្នកអាចចែករំលែកដោយ៖

Loading...
អត្ថបទទាក់ទង