បច្ចុប្បន្នភាពការដោះដូរកីឡាករនៅក្នុងក្របខណ្ឌលីគកំពូលកម្ពុជាមុនពេលការប្រកួតចាប់ផ្តើមឡើងវិញនៅចុងជើងទី១

បាល់ទាត់
August 23rd, 2021 (3 years)
2617 Views
Share

ក្លិបបាល់ទាត់ អាស៊ី អឺរ៉ុប យូណាយធីត បានសម្រេចផ្ទេរកីឡាករ ABEE NDJOO HURBERT ទៅកាន់ក្លិបបាល់ទាត់បឹងកេត ក្នុងលក្ខខណ្ឌរវាងក្លិប និងក្លិប។

ចំណែកឯ ក្លិបណាហ្គាវើលដ៍បន្តកិច្ចសន្យាជាមួយកីឡាករ៤រូប មានអ្នកចាំទី សាន ឧសភា, ខ្សែការពារ រៀម ស៊ឹង, ខ្សែការពារ យ៉េត ចិត្រា និងខ្សែបម្រើ សុះ ស៊ូហាណា។ក្លិបបាល់ទាត់បឹងកេត ៖ អរគុណដល់កីឡាករ Marko Rajkovic ក្នុងការរួមចំណែកជាមួយពួកយើងតាំងពីដើមរដូវកាលមក ក្លិបសូមជូនពរឲ្យអ្នកជោគជ័យក្នុងអាជីពនាពេលខាងមុខ។ ក្លិបបាល់ទាត់បឹងកេត បានព្រមព្រៀងក្នុងការផ្ទេរកីឡាករ ទេស សម្បត្តិ ទៅកាន់ក្លិបថ្មី (ក្លិបបាល់ទាត់វិសាខា) ក្លិបបាល់ទាត់បឹងកេតសូមថ្លែងអំណរគុណក្នុងការរួមចំណែកជាមួយពួកយើងកន្លងមក និង សូមជូនពរឲ្យទទួលបានជោគជ័យ។

ក្លិបបាល់ទាត់ព្រះខ័នរាជស្វាយរៀង ៖ កីឡាករ និងបុគ្គលិកទាំងអស់នៅក្លិបបាល់ទាត់ព្រះខ័នរាជស្វាយរៀងសូមថ្លែងអំណរគុណដល់ Thiago de Jesus និងសូមជូនពរឱ្យគាត់ជួបតែសំណាងល្អនៅពេលដែលពួកយើងនិយាយពាក្យលាទៅកាន់ខ្សែបម្រើរសញ្ជាតិប្រេស៊ីលរបស់យើង។ក្លិបបាល់ទាត់វិសាខា ៖ ពួកយើងទាំងអស់គ្នា សូមអរគុណកីឡាករ Mustafa Zazai សម្រាប់ការខិតខំប្រឹងប្រែងជួយក្លិបរបស់យើងកន្លងមក ។ តាងនាមគ្រួសារបាល់ទាត់ វិសាខា សូមជូនពរ ZAZAI ជួបតែសំណាងល្អ និងទទួលបានជោគជ័យក្នុងអាជីពនាថ្ងៃអនាគត។ ខណៈពេលដែល កីឡាករ ងយ ស្រ៊ីន និងកីឡាករ ផុន តៃនិញ ទៅក្លិបបាល់ទាត់ខេត្តព្រៃវែង និងក្លិបអគ្គិសនីកម្ពុជា ក្រោមលក្ខខណ្ឌខ្ចីជើង៕

អត្ថបទទាក់ទង

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស