CBS គុនខ្មែរ៖ ទន្សោង និង ឆ្លាម មួយណាខ្លាំងជាង? ជួបគ្នាយប់នេះក្នុងការប្រកួតលើសង្វៀនសប្ដាហ៍ដំបូង

គុនខ្មែរ
March 4th, 2022 (3 years)
713 Views
Share

មិនទាន់ប្រកួតផង ឡុង អាឆើត និង ប៊ន ពន្លឹក តំណាងឱ្យក្រុម ទន្សោង ទក្សិណ បានបង្ហាញមហិច្ឆតាចង់ឈ្នះខ្សែក្រវាត់ក្នុងកម្មវិធី “CBS គុនខ្មែរ” ទៅហើយ ប៉ុន្តែគូប្រកួតរបស់ពួកគេ គឺ ប៉ែន កាក់ចៅចិត្រ និង ផាន់ ខាំតៃ មកពីក្រុម ឆ្លាមស ឦសាន ក៏មិនមានការភ័យខ្លាចចំពោះការគំរាមកំហែងនេះដែរ។

លោក ផុន ផាន់ណា គ្រូកិត្តិយសនៃក្រុម ទន្សោង ទក្សិណ បានបង្ហាញការជឿជាក់លើកូនសិស្សរបស់គាត់ ហើយលោកសង្ឃឹម ១០០ភាគរយ ទាំង ឡុង អាឆើត ទាំង ប៊ន ពន្លឹក នឹងឈ្នះក្នុងការប្រកួតយប់នេះ។ ចំណែក លោក ឡោ សំណាង គ្រូកិត្តិយសរបស់ក្រុម ឆ្លាមស ឦសាន បានបញ្ជាក់ថា ខាំតៃ មានជំហររឹង ហើយវ៉ៃធ្ងន់ច្បាស់មួយៗ ចំណែក ចៅចិត្រ គឺគ្រប់គ្រឿងទាំងចាប់ ទាំងទាត់ ទាំងដៃ និងទាំងកែង។

យប់ថ្ងៃសុក្រ ទី០៤ ខែមីនា ឆ្នាំ២០២២នេះ លោកអ្នក នឹងបានទស្សនាយ៉ាងជក់ចិត្ត នូវការប្រកួតលើសង្វៀន CBS គុនខ្មែរ រវាង ប៊ន ពន្លឹក ទល់នឹង ផាន់ ខាំតៃ សម្រាប់ប្រភេទទម្ងន់ ៥៤ គីឡូក្រាម និង ឡុង អាឆើត ប៉ះ ប៉ែន កាក់ចៅចិត្រ លើប្រភេទទម្ងន់ ៥៧ គីឡូក្រាម ចាប់ពីម៉ោង ៧យប់ ដល់ ៩ យប់ នៅលើកញ្ចក់ទូរទស្សន៍ CTN និងហ្វេសប៊ុកផេក “ស៊ីប៊ីអេស គុនខ្មែរ – CBS KunKhmer” ។

ចូលរួមទស្សន៍ទាយទាំងអស់គ្នា ថាតើកីឡាកររូបណានឹងឈ្នះ ហើយក្រុមណា នឹងអាចរកពិន្ទុនាំមុខគេក្នុងសប្ដាហ៍ដំបូងនេះ? CBS គុនខ្មែរ ត្រូវបានគាំទ្រពេញទំហឹងដោយសហព័ន្ធកីឡាប្រដាល់គុនខ្មែរ៕

អត្ថបទទាក់ទង

CBS គុនខ្មែរ៖ ទន្សោង និង ឆ្លាម មួយណាខ្លាំងជាង? ជួបគ្នាយប់នេះក្នុងការប្រកួតលើសង្វៀនសប្ដាហ៍ដំបូង

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស