ល្ងាចនេះលោកគ្រូ ឡោ សំណាង បញ្ចេញទ័ពជួបជាមួយលោកគ្រូ រឿង សោភ័ណ នៅលើសង្វៀន CBS គុនខ្មែរ

គុនខ្មែរ
May 20th, 2022 (2 years)
857 Views
Share

នៅម៉ោង ៧យប់ថ្ងៃសុក្រ ទី២០ ខែឧសភា ឆ្នាំ២០២២នេះ សង្វៀន CBS គុនខ្មែរ នឹងធ្វើការប្រកួតចំនួន ២គូ រវាងក្រុមឆ្លាមសឦសាន របស់លោកគ្រូ ឡោ សំណាង ប៉ះក្រុមនាគរាជនិរតី របស់លោកគ្រូ រឿង សោភ័ណ នៅលើកញ្ចក់ទូរទស្សន៍ CTN និង Live លើហ្វេសប៊ុកផេក “ស៊ីប៊ីអេស គុនខ្មែរ – CBS KunKhmer” ។

ក្នុងរាត្រីនេះ ក្រុមឆ្លាមសឦសាន រួមមាន កីឡាករ ផាន់ ខាំតៃ និង កីឡាករ ប៉ែនកាក់ ចៅចិត្រ ខណៈក្រុមនាគរាជនិរតី មាន រឿង ឌីណា និង ឯម សីហា។

សម្រាប់សប្ដាហ៍ទី១០ នៃសង្វៀន CBS គុនខ្មែរ គូទីមួយ កីឡាករ ផាន់ ខាំតៃ នឹងត្រូវជួប រឿង ឌីណា ក្នុងប្រភេទទម្ងន់ ៥៤គីឡូក្រាម។ ចំណែក គូទីពីរ កីឡាករ ប៉ែនកាក់ ចៅចិត្រ ប៉ះ ឯម សីហា ក្នុងប្រភេទទម្ងន់ ៥៧គីឡូក្រាម។

សម្រាប់ ផាន់ ខាំតៃ នៅតែមានសង្ឃឹមក្នុងការឡើងទៅវគ្គពាក់កណ្ដាលផ្ដាច់ព្រ័ត្រ ក្នុងប្រភេទទម្ងន់ ៥៤គីឡូក្រាម ប្រសិនបើគេអាចដណ្ដើមបានជ័យជម្នះពីគូប្រកួត រឿង ឌីណា នៅល្ងាចនេះ។ បើឈ្នះ ខាំតៃ នឹងឈរនៅលេខ២ក្នុងពូល A ដើម្បីឡើងទៅប្រកួតខ្វែង រវាងអ្នកលេខ១ និងលេខ២ សម្រាប់ពូល A និង ពូល B ។

CBS គុនខ្មែរ ផ្សាយផ្ទាល់រៀងរាល់ថ្ងៃសុក្រ ចាប់ពីម៉ោង៧យប់ដល់៩យប់ នៅលើកញ្ចក់ទូរទស្សន៍ CTN និង Live លើហ្វេសប៊ុកផេក “ស៊ីប៊ីអេស គុនខ្មែរ – CBS KunKhmer” ៕

អត្ថបទទាក់ទង

ល្ងាចនេះលោកគ្រូ ឡោ សំណាង បញ្ចេញទ័ពជួបជាមួយលោកគ្រូ រឿង សោភ័ណ នៅលើសង្វៀន CBS គុនខ្មែរ

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស