មកដឹងពីប្រទេសកាតា ម្ចាស់ផ្ទះ FIFA World Cup ដែល CBS នឹងផ្សាយបន្តផ្ទាល់ផ្ដាច់មុខ

FIFA World Cup
July 28th, 2022 (2 years)
1407 Views
Share

ប្រទេសកាតា កំពុងរៀបចំបង្កើតប្រវត្តិសាស្ត្រដោយធ្វើជាម្ចាស់ផ្ទះព្រឹត្តិការណ៍ FIFA World Cup ជាលើកដំបូង ហើយនេះក៏ជាលើកទីមួយដែលមិនធ្លាប់មាននៅតំបន់មជ្ឈឹមបូព៌ា។

កាតា នឹងក្លាយជាប្រទេសតូចបំផុតដែលធ្វើជាម្ចាស់ផ្ទះនៃការប្រកួតព្រឹត្តិការណ៍លំដាប់ពិភពលោកនេះ។ ជាមួយនឹងបដិសណ្ឋារកិច្ចបែបប្រពៃណីអារ៉ាប់ និងលក្ខខណ្ឌអាកាសធាតុរដូវរងាដែលល្អសម្រាប់ការទស្សនា ការប្រកួតបាល់ទាត់ពិភពលោកនៅប្រទេសកាតា នឹងក្លាយទៅជារសជាតិថ្មីមួយ។

ឧបទ្វីបកាតា មានព្រំប្រទល់ដីគោករបស់ខ្លួនជាប់ជាមួយប្រទេសអារ៉ាប៊ីសាអូឌីត តែមួយគត់ នៅមានប្រទេសបារ៉ែន និងអារ៉ាប់រួម នៅភាគពាយ័ព្យ និងភាគអាគ្នេយ៍។

ប្រទេសកាតា ក៏បានចំណាយពេលប៉ុន្មានឆ្នាំថ្មីៗនេះ ដើម្បីសាងសង់ទីលានកីឡាដែលមានមិនប៉ះពាល់ដល់បរិស្ថាន និងស្ថាបត្យកម្មទំនើបបំផុតដែលមិនធ្លាប់មានពីមុនមក។

ប្រវត្តិ

-មនុស្ស ចាប់ផ្ដើមរស់នៅលើទឹកដីប្រទេសកាតាតាំងពី 50,000 ឆ្នាំមុនមកម្ល៉េះ ជាមួយនឹងការតាំងទីលំនៅនៅយុគសម័យថ្ម។

-ប្រទេសនេះ ត្រូវបានផ្លាស់ប្តូរទៅកាន់សាសនាឥស្លាមនៅសតវត្សរ៍ទី 7 ។

-ដោយបានធ្លាក់នៅក្រោមការគ្រប់គ្រងរបស់ចក្រភពផ្សេងៗជាច្រើនសតវត្សរ៍មក អង់គ្លេសបានក្លាយជាអាណាព្យាបាលកាតា កាលពីឆ្នាំ 1916 ។

-បន្ទាប់ពីការរកឃើញរ៉ែប្រេងក្នុងទសវត្សរ៍ឆ្នាំ 1930 និងការពង្រីកហេដ្ឋារចនាសម្ព័ន្ធជាតិក្នុងទសវត្សរ៍ជាបន្តបន្ទាប់ ប្រទេសនេះបានប្រកាសឯករាជ្យនៅឆ្នាំ 1971។

សេដ្ឋកិច្ច

-មុនពេលការរកឃើញរ៉ែប្រេង ការនេសាទ និងការរកគជ់ គឺជាឧស្សាហកម្មលេចធ្លោរបស់ប្រទេស។

-សព្វថ្ងៃនេះ កាតាគឺជាប្រទេសនាំចេញឧស្ម័នធម្មជាតិធំទីពីររបស់ពិភពលោក។

-រូបិយបណ្ណរបស់ប្រទេសគឺ Riyal ។

ភូមិសាស្ត្រ

-ជាមួយនឹងផ្ទៃដីតូចចង្អៀតត្រឹមតែ 11,000 គីឡូម៉ែត្រការ៉េ កាតាត្រូវបានចាត់ថ្នាក់ដោយអង្គការសហប្រជាជាតិ ជាប្រទេសទី 163 នៅលើពិភពលោក។ ឧបទ្វីបកាតា អាចធ្វើដំណើរពីព្រំដែនម្ខាងទៅម្ខាង ក្នុងរយៈពេលតិចជាងពីរម៉ោង។

-ភាគច្រើននៃប្រជាជនចំនួន 2.5 លាននាក់របស់ប្រទេសនេះ រស់នៅក្នុងរដ្ឋធានីដូហា (Doha ) ដែលស្ថិតនៅពាក់កណ្តាលនៃឆ្នេរសមុទ្រភាគខាងកើតរបស់ប្រទេសនេះ។

-ប្រទេសកាតាមិនមានទន្លេ ឬបឹងដែលមានអាយុច្រើនឆ្នាំទេ ប៉ុន្តែមានអូរនៅវាលខ្សាច់ជាច្រើន។ វាអាចកើតមានរយៈពេលពីខែធ្នូ ដល់ខែមីនា។

អាកាសធាតុ

-សីតុណ្ហភាព ក្នុងខែធ្នូ មានប្រហែល 20 អង្សាសេ ជួនកាលឡើងដល់ជាង 20 អង្សាសេ។

-ពេលថ្ងៃមានរយៈពេល 8 ម៉ោង ធ្វើឱ្យប្រទេសកាតាក្លាយជាទីតាំងដ៏ពេញនិយមសម្រាប់អ្នកសម្រាកលំហែកាយក្នុងរដូវរងារ។

-មានភ្លៀងធ្លាក់តិចតួចណាស់ពេញមួយឆ្នាំ ជាមួយនឹងអាកាសធាតុសើម។

ភាសា

-ភាសាផ្លូវការរបស់ប្រទេសគឺភាសាអារ៉ាប់ ប៉ុន្តែភាសាអង់គ្លេសក៏ត្រូវបាននិយាយជាទូទៅផងដែរ។

ស្វាគមន៍ព្រឹត្តិការណ៍បាល់ទាត់ពិភពលោក FIFA World Cup 2022, CBS ទទួលសិទ្ធិផ្ដាច់មុខ ផ្សាយបន្ដផ្ទាល់បាល់ទាត់ពិភពលោកនៅកម្ពុជា ឆាប់ៗខាងមុខនេះ៕

អត្ថបទទាក់ទង

មកដឹងពីប្រទេសកាតា ម្ចាស់ផ្ទះ FIFA World Cup ដែល CBS នឹងផ្សាយបន្តផ្ទាល់ផ្ដាច់មុខ

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស