មកដឹងពីប្រទេសកូស្ដារីកា ដែលធ្វើជាម្ចាស់ផ្ទះ FIFA U-20 Women’s World Cup 2022

FIFA World Cup
August 8th, 2022 (2 years)
734 Views
Share

កូស្តារីកា មានទីតាំងនៅតំបន់អាមេរិកកណ្តាល ចន្លោះមហាសមុទ្រអាត្លង់ទិក និងមហាសមុទ្រប៉ាស៊ីហ្វិក។ ប្រទេសនេះ ទទួលបានឯករាជ្យជិត 200 ឆ្នាំមកហើយ។

ប្រវត្តិ

ជនជាតិអឺរ៉ុបដំបូងគេ ដែលបានបោះជើងជាន់លើទឹកដីកូស្តារីកា គឺលោក Christopher Columbus កាលពីឆ្នាំ 1502។ មានទីតាំងនៅកណ្តាលនៅទ្វីបអាមេរិកទាំងពីរ ប្រទេសនេះមានអរិយធម៌របស់ជនជាតិ Mesoamerican និងជនជាតិអាមេរិកខាងត្បូង។ ឈ្មោះប្រទេសនេះ មានន័យថា “ឆ្នេរសមុទ្រដ៏សម្បូរបែប” ប៉ុន្តែធ្លាប់ជាប្រទេសក្រីក្របំផុតមួយនៅក្រោមអាណានិគមអេស្ប៉ាញ។

សេដ្ឋកិច្ច

សេដ្ឋកិច្ចរបស់ប្រទេសកូស្តារីកា គឺផ្អែកលើពាណិជ្ជកម្មអន្តរជាតិ ការវិនិយោគបរទេស និងទេសចរណ៍។
ជ្រលងភ្នំដែលមានជីជាតិផ្ដល់ការលូតលាស់គ្រាប់កាហ្វេល្អបំផុត និងផ្លែឈើត្រូពិចកម្រសម្រាប់ការនាំចេញ។ កូស្តារីកា គឺជាអ្នកនាំចេញផ្លែឈើដ៏ធំបំផុតមួយរបស់ពិភពលោក។
ភាពប៉ិនប្រសប់ និងការច្នៃប្រឌិតរបស់ប្រទេស ត្រូវបានទទួលស្គាល់យ៉ាងទូលំទូលាយដោយក្រុមហ៊ុនចម្រុះជាតិសាសន៍ក្នុងការផលិតឧបករណ៍វេជ្ជសាស្ត្រ និងសៀគ្វីអេឡិចត្រូនិច និងការផ្តល់នូវសេវាកម្មអាជីវកម្ម។ ទេសចរណ៍អន្តរជាតិគឺជាឧស្សាហកម្មចម្បងរបស់កូស្តារីកា។ នៅឆ្នាំ 2019 វាបានទាក់ទាញអ្នកទស្សនាចំនួន 3,000,000 នាក់ ដោយទាក់ទាញមកប្រទេសនេះដោយធម្មជាតិ និងការផ្សងព្រេង។

ប្រជាជន

កូស្តារីកាបានទាក់ទាញជនចំណាកស្រុកមកពីផ្នែកផ្សេងៗនៃពិភពលោក។ ដោយលាយឡំជាមួយជនជាតិដើមភាគតិចរបស់ប្រទេសនេះ វាបានបង្កើតវប្បធម៌ចម្រុះ សម្រាប់ប្រជាជនចំនួន 5,000,000 នាក់។

ភូមិសាស្ត្រ

កូស្តារីកា គ្របដណ្តប់លើផ្ទៃដី 51,100 គីឡូម៉ែត្រក្រឡា ហើយមានព្រំប្រទល់គោកជាប់ជាមួយប្រទេសនីការ៉ាហ្គានៅភាគខាងជើង និងប៉ាណាម៉ានៅភាគខាងត្បូង។ ដែនទឹករបស់ប្រទេស លាតសន្ធឹងលើផ្ទៃដីជាង 500,000 km2 ហើយនៅជាប់ប្រទេសកូឡុំប៊ី និងអេក្វាឌ័រ។ ជាប្រទេសសម្បូរភ្នំ ដែលមានភ្នំខ្ពស់ជាង 3,000 ម៉ែត្រ កូស្ដារីកាបានក្លាយជាផ្នែកមួយនៃ Pacific Ring of Fire និងជាជម្រករបស់ភ្នំភ្លើងជាង 20 ។

អាកាសធាតុ

អាកាសធាតុ គឺត្រូពិច ហើយមានពីររដូវ គឺរដូវប្រាំង (មករា ដល់ ឧសភា) និងវស្សា (ឧសភា ដល់ ធ្នូ)។ សីតុណ្ហភាពនៅឆ្នេរសមុទ្រអាចលើសពី 30 អង្សារសេ ខណៈជ្រលងភ្នំនៅកណ្តាលប្រទេស ទំនងជាត្រជាក់ជាង។

ភាសា

ភាសាផ្លូវការគឺភាសាអេស្ប៉ាញ ទោះបីជាមួយភាគធំនៃចំនួនប្រជាជននិយាយភាសាអង់គ្លេសក៏ដោយ។
រូបិយប័ណ្ណ៖ Colon កូស្តារីកា

បាល់ទាត់

ជនជាតិកូស្តារីកា ស្រលាញ់កីឡាបាល់ទាត់។ បង្កើតឡើងក្នុងឆ្នាំ 1906 ក្លិបបាល់ទាត់ Club Sport Cartagines គឺជាក្លិបដែលមានវ័យចំណាស់បំផុតនៅក្នុងប្រទេស ខណៈដែលក្លិប Deportivo Saprisa និង Liga Deportiva Alajuelense គឺជាក្រុមពីរដែលមានប្រជាប្រិយបំផុត។

ក្រុមជម្រើសជាតិ បានបង្ហាញខ្លួនពីរលើកនៅ FIFA World Cup™ ដោយឡើងដល់វគ្គ 16 ក្រុមចុងក្រោយនៅអ៊ីតាលី កាលពីឆ្នាំ 1990 និងឡើងវគ្គ 8 ក្រុមចុងក្រោយនៅប្រេស៊ីល កាលពីឆ្នាំ 2014។

ពួកគេក៏បានបញ្ចប់ក្នុងចំណាត់ថ្នាក់លេខ 4 នៅព្រឹត្តិការណ៍ FIFA U-20 World Cup Egypt 2009 ។ បាល់ទាត់នារីមានការរីកចម្រើនគួរឱ្យកត់សម្គាល់ក្នុងប៉ុន្មានឆ្នាំចុងក្រោយនេះ ជាមួយនឹងចំនួនអ្នកលេងកើនឡើង ហើយស្តង់ដារក៏ប្រសើរឡើងផងដែរ។ ការប្រកួតជើងឯកលីគនារីថ្នាក់ជាតិ បានចាប់ផ្តើមកាលពីឆ្នាំ 1999 ហើយវគ្គផ្តាច់ព្រ័ត្រកាលពីឆ្នាំមុន បានទាក់ទាញទស្សនិកជនចំនួន 17,000 នាក់។ ម្ចាស់ជើងឯក UEFA Women’s Champions League ពីរសម័យកាល Shirley Cruz គឺជាកីឡាការិនីដ៏ល្បីរបស់ប្រទេសកូស្តារីកា។

ប្រទេសកូស្តារីកាក៏បានធ្វើជាម្ចាស់ផ្ទះព្រឹត្តិការណ៍ FIFA U-17 Women’s World Cup ក្នុងឆ្នាំ 2014 ហើយក្រុមបាល់ទាត់ជម្រើសជាតិនារីឈុតធំរបស់ពួកគេ បានធ្វើការប្រកួតជាលើកដំបូងរបស់ខ្លួននៅ FIFA World Cup នៅប្រទេសកាណាដា កាលពីឆ្នាំ 2015 ។

ស្វាគមន៍ព្រឹត្តិការណ៍បាល់ទាត់ពិភពលោក FIFA World Cup 2022, CBS ទទួលសិទ្ធិផ្ដាច់មុខ ផ្សាយបន្ដផ្ទាល់បាល់ទាត់ពិភពលោកនៅកម្ពុជា ឆាប់ៗខាងមុខនេះ៕

អត្ថបទទាក់ទង

មកដឹងពីប្រទេសកូស្ដារីកា ដែលធ្វើជាម្ចាស់ផ្ទះ FIFA U-20 Women’s World Cup 2022

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស