ក្រុមការពារតំណែងជើងឯក បន្តឡើងទៅវគ្គពាក់កណ្ដាលផ្ដាច់ព្រ័ត្រ FIFA U20 Women’s World Cup 2022

FIFA World Cup
August 23rd, 2022 (3 years)
1732 Views
Share

ក្រុមជម្រើសជាតិនារីអាយុក្រោម 20 ឆ្នាំជប៉ុន បានវាយបកតាមស្មើ និងបានយកឈ្នះលើក្រុមជម្រើសជាតិនារីអាយុក្រោម 20 ឆ្នាំបារាំង នៅក្នុងការទាត់បាល់ប៉េណាល់ទីកាត់សេចក្ដី 11 ម៉ែត្រ បន្ទាប់ពីស្មើគ្នា 3-3 នៅម៉ោងធម្មតា ក្នុងវគ្គ ៨ក្រុមចុងក្រោយ ពានរង្វាន់ FIFA U20 Women’s World Cup 2022 នៅប្រទេសកូស្តារីកា។

ជប៉ុន គឺជាក្រុមការពារតំណែងជើងឯក កាលពី 4 ឆ្នាំមុន បន្ទាប់ពី FIFA បានសម្រេចលុបចោលព្រឹត្តិការណ៍ដែលកើតមាន 2 ឆ្នាំម្ដងនេះ កាលពីឆ្នាំ 2020 ដោយសារតែវិបត្តិកូវីដ១៩ជាសាកល។

សូមជម្រាបថា ក្រុម 3 ទៀតដែលបានឡើងទៅវគ្គពាក់កណ្ដាលផ្ដាច់ព្រ័ត្រនេះ រួមមាន ក្រុមហុល្លង់ ដែលបានយកឈ្នះក្រុមនីហ្សេរីយ៉ា 2-0, ក្រុមប្រេស៊ីល យកឈ្នះលើកូឡុំប៊ី 1-0 និង ក្រុមអេស្ប៉ាញ ឈ្នះលើម៉ិកស៊ិក 1-0 ។

វគ្គពាក់កណ្ដាលផ្ដាច់ព្រ័ត្រ នឹងធ្វើឡើងនាថ្ងៃទី 26 ខែសីហា ឆ្នាំ 2022 រវាង អេស្ប៉ាញជាមួយហុល្លង់ និងរវាង ប្រេស៊ីលជាមួយជប៉ុន។

ស្វាគមន៍ព្រឹត្តិការណ៍បាល់ទាត់ពិភពលោក FIFA World Cup 2022, CBS ទទួលសិទ្ធិផ្ដាច់មុខ ផ្សាយបន្ដផ្ទាល់បាល់ទាត់ពិភពលោកនៅកម្ពុជា ឆាប់ៗខាងមុខនេះ៕

អត្ថបទទាក់ទង

ក្រុមការពារតំណែងជើងឯក បន្តឡើងទៅវគ្គពាក់កណ្ដាលផ្ដាច់ព្រ័ត្រ FIFA U20 Women’s World Cup 2022

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស