ទីក្រុងឌូបៃ កំណត់តំបន់ដែលមានអេក្រង់យក្ស ភោជនីយដ្ឋាន និងការកម្សាន្តសម្រាប់អ្នកគាំទ្រ World Cup

FIFA World Cup
August 23rd, 2022 (3 years)
729 Views
Share

ទីក្រុងឌូបៃ កំពុងរៀបចំទទួលអ្នកគាំទ្របាល់ទាត់មកពីជុំវិញពិភពលោក ក្នុងអំឡុងពេលការប្រកួតព្រឹត្តិការណ៍ FIFA World Cup Qatar 2022 ដោយរៀបចំឱ្យមានជាតំបន់ៗ សម្រាប់អ្នកគាំទ្រ ដែលធ្វើដំណើរទៅទស្សនាប្រទេសអារ៉ាប់រួម។

ទីក្រុងឌូបៃ មានទីតាំងនៅជិតប្រទេសកាតា ដែលជាទីកន្លែងរៀបចំការប្រកួត FIFA World Cup 2022 នាខែវិច្ឆិកាខាងមុខ។

នៅសល់ពេលតិចជាង 3 ខែទៀត មុនពេលអ្នកគាំទ្រសម្រុកទៅកាន់តំបន់អារ៉ាប់ ដោយប្រទេសជិតខាងប្រទេសកាតា កំពុងត្រៀមខ្លួនដើម្បីស្វាគមន៍អ្នកទេសចរ រួមទាំងប្រទេសអារ៉ាប់រួមផងដែរ ដែលជាគោលដៅសម្រាប់ការធ្វើដំណើរទៅមករបស់អ្នកគាំទ្រ។ Fanzone នឹងមានបំពាក់អេក្រង់ខ្នាតធំ ភោជនីយដ្ឋាន និងការកម្សាន្តជាច្រើន ជូនដល់អ្នកគាំទ្រដែលគ្មានសំបុត្រទៅទស្សនាផ្ទាល់នៅប្រទេសកាតា ក៏មានឱកាសមើលសកម្មភាពប្រកួតនៃក្រុមរបស់ពួកគេនៅប្រទេសអារ៉ាប់រួមផងដែរ។

FIFA បានរាយការណ៍ថា អ្នកគាំទ្របាល់ទាត់ដែលបានកក់សំបុត្ររាប់លាននាក់ គ្រោងនឹងធ្វើដំណើរទៅទស្សនា World Cup នៅខែវិច្ឆិកា នៅទីក្រុងដូហា ប្រទេសកាតា។

បញ្ហាប្រឈមដ៏សំខាន់សម្រាប់កាតា គឺការផ្តល់កន្លែងស្នាក់នៅគ្រប់គ្រាន់សម្រាប់អ្នកគាំទ្រ ហើយអ្នករៀបចំបានព្យាយាមបំប្លែងនាវាទេសចរណ៍ និងកន្លែងបោះជំរុំលើវាលខ្សាច់ ដើម្បីជួយសម្រួលដល់ការស្នាក់នៅ។

ស្វាគមន៍ព្រឹត្តិការណ៍បាល់ទាត់ពិភពលោក FIFA World Cup 2022, CBS ទទួលសិទ្ធិផ្ដាច់មុខ ផ្សាយបន្ដផ្ទាល់បាល់ទាត់ពិភពលោកនៅកម្ពុជា ឆាប់ៗខាងមុខនេះ៕

អត្ថបទទាក់ទង

ទីក្រុងឌូបៃ កំណត់តំបន់ដែលមានអេក្រង់យក្ស ភោជនីយដ្ឋាន និងការកម្សាន្តសម្រាប់អ្នកគាំទ្រ World Cup

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស