ប្រធានក្រុម Liverpool ត្រូវបានកោះហៅដោយក្រុមជម្រើសជាតិអង់គ្លេស

FIFA World Cup
September 20th, 2022 (2 years)
1468 Views
Share

ឈ្មោះរបស់ប្រធានក្រុម Liverpool កីឡាករ Jordan Henderson ត្រូវបានបញ្ចូលចូលក្នុងបញ្ជីរបស់ក្រុមជម្រើសជាតិអង់គ្លេស សម្រាប់ការប្រកួត Nations League ជាមួយអ៊ីតាលី និងអាល្លឺម៉ង់។

Henderson វ័យ 32 ឆ្នាំ មិនមានឈ្មោះក្នុងក្រុមដំបូងរបស់អ្នកចាត់ការ Gareth Southgate ទេ ដោយសារតែរបួសសរសៃពួរ។ យ៉ាងណាមិញ ខ្សែបម្រើរូបនេះ បានជាសះស្បើយ ហើយបានចូលរួមជាមួយក្រុមនៅទីលាន St George’s Park។ គាត់បានជំនួសតំណែង Kalvin Phillips របស់ Manchester City ដែលបានដកខ្លួនកាលពីចុងសប្តាហ៍ ដោយមានបញ្ហាស្មា។

Henderson ដែលលេងឱ្យអង់គ្លេសបាន 69 ប្រកួតបានខកខានការប្រកួត 3 លើកចុងក្រោយរបស់ Liverpool បន្ទាប់ពីរងរបួស អំឡុងពេលពួកគេឈ្នះ 2-1 លើ Newcastle United នៅកីឡដ្ឋាន Anfield ។ គេបានបង្ហាញខ្លួនតែមួយដងគត់សម្រាប់អង់គ្លេសក្នុងឆ្នាំ 2022 ដែលជាការឈ្នះការប្រកួតមិត្តភាព 2-1 ជាមួយស្វីស នៅកីឡដ្ឋាន Wembley ក្នុងខែមីនា។

អង់គ្លេស ត្រូវប៉ះជាមួយម្ចាស់ជើងឯកអឺរ៉ុបអ៊ីតាលី នៅកីឡដ្ឋាន San Siro ក្នុងទីក្រុង Milan និងអាល្លឺម៉ង់នៅ Wembley ។

ស្វាគមន៍ព្រឹត្តិការណ៍បាល់ទាត់ពិភពលោក FIFA World Cup 2022, CBS ទទួលសិទ្ធិផ្ដាច់មុខ ផ្សាយបន្ដផ្ទាល់បាល់ទាត់ពិភពលោកនៅកម្ពុជា ឆាប់ៗខាងមុខនេះ៕

អត្ថបទទាក់ទង

ប្រធានក្រុម Liverpool ត្រូវបាន​កោះហៅ​ដោយ​ក្រុមជម្រើសជាតិ​អង់គ្លេស

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស

ប្រធានក្រុម Liverpool ត្រូវបានកោះហៅដោយក្រុមជម្រើសជាតិអង់គ្លេស