Benjamin Mendy របស់ Man City នៅបន្តជាប់ឃុំ ក្រោមការចោទប្រកាន់ពីបទរំលោភសេពសន្ថវៈ

បាល់ទាត់
September 1st, 2021 (4 years)
2931 Views
Share

ខ្សែការពារ Benjamin Mendy របស់ក្រុមមេឃខៀវ Manchester City នឹងនៅតែស្ថិតក្នុងការឃុំឃាំង នៅចំពោះមុខការជំនុំជម្រះ ពីបទរំលោភសេពសន្ថវៈ បន្ទាប់ពីពាក្យសុំនៅក្រៅឃុំត្រូវបានបដិសេធ។

ខ្សែការពារវ័យ ២៧ ឆ្នាំរូបនេះ ត្រូវបានចោទប្រកាន់ចំនួន ៤ករណី ពីបទរំលោភសេពសន្ថវៈ និង១ករណីជាការបៀតបៀនផ្លូវភេទនៅផ្ទះ នៅទីក្រុង Cheshire ។

Mendy ត្រូវបានឃុំខ្លួន នៅក្នុងទីក្រុង Liverpool បន្ទាប់ពីត្រូវបានបដិសេធ នៅក្រៅឃុំ ដោយតុលាការ Chester Magistrates កាលពីថ្ងៃសុក្រ។

ការរំលោភសេពសន្ថវៈចំនួន ៣ ករណី បានកើតឡើងកាលពីខែតុលា ឆ្នាំ២០២០ ហើយគេត្រូវបានចោទប្រកាន់ពីបៀតបៀនផ្លូវភេទលើស្ត្រីម្នាក់ កាលពីដើមខែមករាឆ្នាំ២០២១។ គេក៏ត្រូវបានចោទប្រកាន់ពីបទចាប់រំលោភស្ត្រីម្នាក់ នៅខែសីហាឆ្នាំ២០២១ ផងដែរ។

កីឡាករបាល់ទាត់ដែលត្រូវបានក្លិបព្យួរការងាររង់ចាំការស៊ើបអង្កេតនេះ នឹងត្រូវបង្ហាញខ្លួននៅតុលាការ Chester Crown នៅថ្ងៃទី១០ ខែកញ្ញា៕

អត្ថបទទាក់ទង

Benjamin Mendy របស់ Man City នៅបន្តជាប់ឃុំ ក្រោមការចោទប្រកាន់ពីបទរំលោភសេពសន្ថវៈ

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស