កីឡដ្ឋាន អាល់ចានូប (Al Janoub) នឹងត្រូវរុះរើ ក្រោយចប់ FIFA World Cup 2022

FIFA World Cup
October 11th, 2022 (2 years)
1727 Views
Share

ការរចនារបស់កីឡដ្ឋាន អាល់ចានូប (Al Janoub) ត្រូវបានរចនាទៅតាមរាងរបស់ទូក dhow របស់ប្រជាជនកាតា ដែលប្រើប្រាស់នៅក្នុងទីក្រុងអាល់វ៉ាក្រា (Al Wakrah) ។

វាមានបំពាក់ម៉ាស៊ីនត្រជាក់ប្រកបដោយភាពច្នៃប្រឌិត និងដំបូលដែលអាចបិទបើកបាន។ កីឡដ្ឋាននេះ ត្រូវបានរចនាឡើងដោយ AECOM និង Zaha Hadid Architects ។

ឧទ្យានអាល់ចានូប ក្នុងបរិវេណនោះ បានបើកដំណើរការកាលពីខែកុម្ភៈ ឆ្នាំ 2020។ វាមានកន្លែងជិះកង់ និងផ្លូវរត់ កន្លែងលេងរបស់កុមារ និងសួនរុក្ខជាតិបៃតងផ្សេងទៀត។ គេ នឹងបង្កើតផ្សារ និងកន្លែងសហគមន៍ រួមទាំងវិហារឥស្លាម និងសាលារៀនផងដែរ នៅថ្ងៃអនាគត។

កីឡដ្ឋាននេះ ត្រូវបានបើកសម្ពោធនៅថ្ងៃទី 16 ខែឧសភា ឆ្នាំ 2019 នៅពេលដែលវាធ្វើជាម្ចាស់ផ្ទះការប្រកួតវគ្គផ្តាច់ព្រ័ត្រ Amir Cup ឆ្នាំ 2019 ។ គេមានបណ្តាញផ្លូវល្បឿនលឿន និងផ្លូវថ្នល់ថ្មី ដែលផ្តល់ភាពងាយស្រួលដល់ប្រជាពលរដ្ឋ និងអ្នកទស្សនាពីទីក្រុងអាល់វ៉ាក្រា (Al Wakrah) និងរដ្ឋធានីដូហា (Doha) ទៅកាន់កីឡដ្ឋានអាល់ចានូប។

ក្រុមហ៊ុនមួយចំនួនបានចូលរួមក្នុងការសាងសង់កីឡដ្ឋាននេះ ជាមួយនឹងក្រុមហ៊ុន MIDMAC និង PORR Qatar បានផលិតកៅអីសម្រាប់កីឡដ្ឋាន និង SOLB26 ផលិតដែកសម្រាប់កីឡដ្ឋាន។ ជាង 50% នៃការវិនិយោគ បានជួយដល់សេដ្ឋកិច្ចកាតា។

កីឡដ្ឋាននេះ នឹងត្រូវរុះរើផ្នែកជាន់លើពី 40,000 កៅអី មកសល់ត្រឹមតែ 20,000 កៅអី បន្ទាប់ពីការប្រកួត FIFA World Cup 2022 ត្រូវបានបរិច្ចាគទៅគម្រោងអភិវឌ្ឍន៍បាល់ទាត់នៅបរទេស។

ស្វាគមន៍ព្រឹត្តិការណ៍បាល់ទាត់ពិភពលោក FIFA World Cup 2022, CBS ទទួលសិទ្ធិផ្ដាច់មុខ ផ្សាយបន្ដផ្ទាល់បាល់ទាត់ពិភពលោកនៅកម្ពុជា ឆាប់ៗខាងមុខនេះ៕

អត្ថបទទាក់ទង

កីឡដ្ឋាន អាល់ចានូប (Al Janoub) នឹង​ត្រូវរុះរើ ក្រោយចប់ FIFA World Cup 2022

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស

កីឡដ្ឋាន អាល់ចានូប (Al Janoub) នឹងត្រូវរុះរើ ក្រោយចប់ FIFA World Cup 2022