បាល់ដែល Maradona យកដៃរុញចូលទីអង់គ្លេស នឹងត្រូវដាក់ដេញថ្លៃនៅទីក្រុងឡុងដ៍

FIFA World Cup
October 14th, 2022 (2 years)
3454 Views
Share

បាល់ដែលអតីតកីឡាករបាល់ទាត់អាហ្សង់ទីន Diego Maradona យកដៃរុញបញ្ចូលទីរបស់ក្រុមជម្រើសជាតិអង់គ្លេស ដែលគេស្គាល់ថា “ដៃព្រះ” នោះ នឹងត្រូវបានដាក់ឱ្យដេញថ្លៃនៅទីក្រុងឡុងដ៍ នាខែក្រោយ។

របស់ដ៏កម្រ ដែលត្រូវបានគេរំពឹងថានឹងអាចលក់បានចន្លោះពី 2.9 លានអឺរ៉ូ ទៅ 3.3 លានអឺរ៉ូ នឹងត្រូវដេញថ្លៃ នៅថ្ងៃទី 16 ខែវិច្ឆិកា ពោលគឺត្រឹមតែ 4 ថ្ងៃមុនការប្រកួត FIFA World Cup នៅប្រទេសកាតា។

បាល់នេះ គឺជាកម្មសិទ្ធិរបស់អាជ្ញាកណ្តាលទុយនីស៊ី ឈ្មោះ Ali Bin Nasser ដែលដឹកនាំការប្រកួត ដែលអង់គ្លេសធ្លាក់ចេញពីការប្រកួតនៅវគ្គពាក់កណ្តាលផ្តាច់ព្រ័ត្រ Word Cup ឆ្នាំ 1986 នៅកីឡដ្ឋាន Estadio Azteca ក្នុងទីក្រុងនិងប្រទេសម៉ិកស៊ិក។

Maradona បានផ្ដល់ការនាំមុខដល់អាហ្សង់ទីន ដោយការរុញបាល់ផុតអ្នកចាំទីរបស់ក្រុមជម្រើសជាតិអង់គ្លេស Peter Shilton ដោយក្រោយមកគាត់និយាយថាវាប៉ះ “ក្បាលរបស់ Maradona បន្តិច និងប៉ះដៃរបស់ព្រះបន្តិច”។

វាត្រូវបានគេបោះឆ្នោតថា “Goal of the Century (គ្រាប់បាល់ប្រចាំសតវត្សរ៍)” នៅក្នុងការស្ទង់មតិរបស់ FIFA ឆ្នាំ 2002 ។

កាលពីខែឧសភាឆ្នាំមុន អាវលេខ 10 ដែល Maradona ពាក់ក្នុងការប្រកួតវគ្គផ្តាច់ព្រ័ត្រ ត្រូវបានលក់ក្នុងតម្លៃជាង 9 លានអឺរ៉ូ ដែលជាកំណត់ត្រាពិភពលោកថ្មីមួយ។

ស្វាគមន៍ព្រឹត្តិការណ៍បាល់ទាត់ពិភពលោក FIFA World Cup 2022, CBS ទទួលសិទ្ធិផ្ដាច់មុខ ផ្សាយបន្ដផ្ទាល់បាល់ទាត់ពិភពលោកនៅកម្ពុជា ចាប់ពីថ្ងៃអាទិត្យ ទី 20 ខែវិច្ឆិកា ដល់ថ្ងៃអាទិត្យ ទី 28 ខែធ្នូ ឆ្នាំ 2022៕

អត្ថបទទាក់ទង

បាល់ដែល Maradona យកដៃ​រុញចូលទី​អង់គ្លេស នឹងត្រូវ​ដាក់ដេញថ្លៃ​នៅទីក្រុងឡុងដ៍

បាល់ដែល Maradona យកដៃរុញចូលទីអង់គ្លេស នឹងត្រូវដាក់ដេញថ្លៃនៅទីក្រុងឡុងដ៍