ម្ចាស់ផ្ទះ World Cup កាតា ទទួលសិទ្ធិធ្វើម្ចាស់ផ្ទះពានរង្វាន់ទ្វីបអាស៊ី

FIFA World Cup
October 17th, 2022 (2 years)
832 Views
Share

សហព័ន្ធកីឡាបាល់ទាត់ទ្វីបអាស៊ី (AFC) បាននិយាយថា ម្ចាស់ផ្ទះ World Cup ប្រទេសកាតា នឹងរៀបចំការប្រកួតព្រឹត្តិការណ៍ Asian Cup 2023 បន្ទាប់ពីប្រទេសចិន បានដកខ្លួនកាលពីដើមឆ្នាំនេះ ដោយសារតែកូវីដ១៩។

ប្រទេសចិន ក្នុងខែមិថុនា ឆ្នាំ 2019 បានឈ្នះការដេញថ្លៃដើម្បីធ្វើជាម្ចាស់ផ្ទះព្រឹត្តិការណ៍នេះ ប៉ុន្តែបានដកខ្លួនចេញកាលពីខែឧសភា ដោយសារតែគោលនយោបាយ “zero-Covid” ដែលធ្វើឱ្យ AFC ព្យាយាមស្វែងរកម្ចាស់ផ្ទះថ្មីសម្រាប់ការប្រកួតដែលមាន 24 ក្រុម។

ការប្រកួតនេះ គ្រោងនឹងធ្វើនៅទីក្រុងចំនួន 10 របស់ប្រទេសចិន ពីថ្ងៃទី 16 ខែមិថុនាដល់ថ្ងៃទី 16 កក្កដាឆ្នាំ 2023។

កូរ៉េខាងត្បូង និងឥណ្ឌូណេស៊ី ជាប្រទេសពីរផ្សេងទៀត ដែលបានដេញថ្លៃ បន្ទាប់ពីការដកខ្លួនរបស់ចិន ប៉ុន្តែកាតា បានទទួលការយល់ព្រម។

ព្រឹត្តិការណ៍ Asian Cup ធ្វើឡើងរៀងរាល់ 4 ឆ្នាំម្តង។ កាតា គឺជាម្ចាស់ជើងឯកពានរង្វាន់នេះលើកចុងក្រោយបំផុត កាលពីឆ្នាំ 2019 ដែលរៀបចំដោយប្រទេសអារ៉ាប់រួម។ ប្រទេសកាតា ធ្លាប់ធ្វើជាម្ចាស់ផ្ទះការកាលពីឆ្នាំ 1988 និង 2011 ។

ស្វាគមន៍ព្រឹត្តិការណ៍បាល់ទាត់ពិភពលោក FIFA World Cup 2022, CBS ទទួលសិទ្ធិផ្ដាច់មុខ ផ្សាយបន្ដផ្ទាល់បាល់ទាត់ពិភពលោកនៅកម្ពុជា ចាប់ពីថ្ងៃអាទិត្យ ទី 20 ខែវិច្ឆិកា ដល់ថ្ងៃអាទិត្យ ទី 28 ខែធ្នូ ឆ្នាំ 2022៕

អត្ថបទទាក់ទង

ម្ចាស់ផ្ទះ World Cup កាតា ទទួល​សិទ្ធិធ្វើ​ម្ចាស់ផ្ទះ​ពានរង្វាន់​ទ្វីបអាស៊ី

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស

ម្ចាស់ផ្ទះ World Cup កាតា ទទួលសិទ្ធិធ្វើម្ចាស់ផ្ទះពានរង្វាន់ទ្វីបអាស៊ី