Messi ជ្រើសរើសក្រុមពីរ ដែលទំនងជាអាចលើកពានរង្វាន់ World Cup

FIFA World Cup
October 19th, 2022 (2 years)
7350 Views
Share

ប្រធានក្រុមអាហ្សង់ទីន Lionel Messi បាននិយាយថា ក្រុមការពារតំណែងជើងឯកបារាំង និងក្រុមប្រេស៊ីល គឺជាក្រុមដែលគាត់គិតថា នឹងអាចឈ្នះពានរង្វាន់ World Cup នៅកាតា ប៉ុន្តែគាត់មិនបានជ្រើសរើសក្រុមជម្រើសជាតិរបស់ខ្លួនឡើយ។

Messi បាននិយាយថា បារាំង និងប្រេស៊ីល គឺជាក្រុមល្អបំផុតពីរ នៅក្នុងព្រឹត្តិការណ៍ដែលចាប់ផ្ដើមនៅថ្ងៃទី 20 ខែវិច្ឆិកា ដល់ថ្ងៃទី 18 ខែធ្នូខាងមុខនេះ។

Messi បានប្រាប់សារព័ត៌មាន DIRECTV Sports ថា៖ “ប៉ុន្តែប្រសិនបើឱ្យខ្ញុំជ្រើសរើស ខ្ញុំនឹងយក ប្រេស៊ីល និងបារាំង គឺជាបេក្ខភាពពីរដើម្បីឈ្នះ World Cup ។” “ពួកគេមានក្រុមដដែល [កីឡាករ] នៅក្នុងរយៈពេលជាយូរ និងធ្វើការបានល្អ។ បារាំង ក្រៅពីយូរ៉ូចុងក្រោយនៅពេលដែលពួកគេត្រូវបានជម្រុះ [ក្នុងវគ្គ 16 ក្រុមចុងក្រោយ] មានកីឡាករគួរឱ្យចាប់អារម្មណ៍មួយចំនួន។”

“ពួកគេមានផែនការច្បាស់លាស់ និងមានគ្រូដដែល [Didier Deschamps]។ ប្រេស៊ីលគឺស្រដៀងគ្នា [ក្រោមការគ្រប់គ្រងរបស់លោក Tite]”។

Messi មិនបាននិយាយពីអាហ្សង់ទីនរបស់គាត់ ដែលមិនទាន់ស្គាល់ពាក្យថាចាញ់ក្នុងការប្រកួតចំនួន 35 ប្រកួតនោះទេ បើទោះបីជាពួកគេបានឈ្នះពានរង្វាន់ Copa America កាលពីឆ្នាំមុនដោយយកឈ្នះប្រេស៊ីលក្នុងវគ្គផ្តាច់ព្រ័ត្រក៏ដោយ។

ស្វាគមន៍ព្រឹត្តិការណ៍បាល់ទាត់ពិភពលោក FIFA World Cup 2022, CBS ទទួលសិទ្ធិផ្ដាច់មុខ ផ្សាយបន្ដផ្ទាល់បាល់ទាត់ពិភពលោកនៅកម្ពុជា ចាប់ពីថ្ងៃអាទិត្យ ទី 20 ខែវិច្ឆិកា ដល់ថ្ងៃអាទិត្យ ទី 28 ខែធ្នូ ឆ្នាំ 2022៕

អត្ថបទទាក់ទង

Messi ជ្រើសរើស​ក្រុមពីរ ដែល​ទំនង​ជា​អាច​លើកពាន​រង្វាន់ World Cup

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស

Messi ជ្រើសរើសក្រុមពីរ ដែលទំនងជាអាចលើកពានរង្វាន់ World Cup