ប្រវត្តិ World Cup លើកដំបូង ក្រោយសង្គ្រាមលោកលើកទីពីរ

FIFA World Cup
October 20th, 2022 (2 years)
969 Views
Share

ការប្រកួតបាល់ទាត់ពិភពលោកលើកទី 4 ឆ្នាំ 1950 បានប្រព្រឹត្តទៅនៅប្រទេសប្រេស៊ីល ចន្លោះពីថ្ងៃទី 24 មិថុនា ដល់ 16 កក្កដា។ វាគឺជាការប្រកួតបាល់ទាត់ពិភពលោកលើកដំបូង ចាប់តាំងពីឆ្នាំ 1938 ដោយសារតែសង្គ្រាមលោកលើកទីពីរ ដែលការរៀបចំនៅឆ្នាំ 1942 និង 1948 ត្រូវបានផ្អាក។ នៅឆ្នាំ 1946 ការសម្រេចចិត្តត្រូវបានគេធ្វើឡើងដើម្បីរៀបចំការប្រកួតបាល់ទាត់ពិភពលោកជាថ្មី ដែលធ្វើឡើងនៅក្នុងប្រទេសប្រេស៊ីល នៅឆ្ងាយពីទ្វីបអឺរ៉ុបដែលខ្ទេចខ្ទាំដោយសារសង្គ្រាម។

ដោយសារតែសកម្មភាពក្នុងសង្រ្គាម អាល្លឺម៉ង់ និងជប៉ុន ត្រូវបានហាមមិនឱ្យចូល រួមប្រកួត World Cup 1950 ឡើយ។ ដោយសារហេតុផលនយោបាយ សហភាពសូវៀត ហុងគ្រី និងឆេកូស្លូវ៉ាគី បដិសេធមិនចូលរួម។ អាហ្សង់ទីន ដកខ្លួនចេញពីវគ្គជម្រុះ បន្ទាប់ពីមានការខ្វែងគំនិតគ្នាជាមួយសហព័ន្ធបាល់ទាត់ប្រេស៊ីល។ បារាំង និងឥណ្ឌា ដកខ្លួនដោយហេតុផលផ្សេងទៀត។

ក្រុមចំនួន 13 បានចូលរួមក្នុងការប្រកួតបាល់ទាត់ពិភពលោកក្នុងឆ្នាំ 1950 រួមមាន បូលីវី ប្រេស៊ីល ឈីលី អង់គ្លេស អ៊ីតាលី ម៉ិកស៊ិក ប៉ារ៉ាហ្គាយ អេស្ប៉ាញ ស៊ុយអែត ស្វីស អាមេរិក អ៊ុយរុយហ្គាយ និង យូហ្គោស្លាវី។ ក្នុងនោះ ក្រុមអង់គ្លេស បានក្លាយជាសមាជិករបស់ FIFA និងចូលរួមក្នុងការប្រកួត World Cup ជាលើកដំបូង។

World Cup 1950 មានការចែកជាពីរដំណាក់កាល។ ដំណាក់កាលដំបូងត្រូវលេងសន្សំពិន្ទុតាមពូល ដែលមានចំនួន 4 ដែលមាន 4 ក្រុម 4 ក្រុម 3 ក្រុម និង 2 ក្រុម ។ ក្រុមលេខ 1 ក្នុងពូលទាំង 4 ត្រូវប្រកួតវិលជុំក្នុងពូលចុងក្រោយមួយទៀត។

បន្ទាប់ពីចប់ដំណាក់កាលទីមួយ គេបានរកឃើញ ប្រេស៊ីល អេស្ប៉ាញ ស៊ុយអែត និងអ៊ុយរុយហ្គាយ បានឡើងទៅដំណាក់កាលទីពីរ។ ពួកគេ បានប្រកួតគ្នាទៅ វិញទៅមកក្នុងជុំទីពីរនេះ។ ការប្រកួតចុងក្រោយរវាងអ៊ុយរុយហ្គាយ និងប្រេស៊ីល បានក្លាយជាការប្រកួតកាត់សេចក្ដី នៅពេលនេះក្រុមម្ចាស់ផ្ទះប្រេស៊ីល ត្រូវការត្រឹមតែស្មើប៉ុណ្ណោះដើម្បីក្លាយជាជើងឯក។ ការប្រកួតនេះ បានលេងនៅកីឡដ្ឋាន Maracana ហើយត្រូវបានចាត់ទុកថាជាការប្រកួតដូចវគ្គផ្តាច់ព្រ័ត្រ World Cup នៅពេលនោះ ដែលមានអ្នកចូលរួម 199,854 នាក់។ បន្ទាប់ពីក្រុមម្ចាស់ផ្ទះបាននាំមុខ 1 គ្រាប់ អ៊ុយរុយហ្គាយ បានវាយបកបាន 2 គ្រាប់ក្នុងវគ្គទីពីរ ដែលធ្វើឱ្យពួកគេឈ្នះការប្រកួត និងបានក្លាយជាជើងឯក។ ប្រេស៊ីល បានត្រឹមជើងឯករង ខណៈ ស៊ុយអែត បានចំណាត់ថ្នាក់លេខ 3 ។

ស្វាគមន៍ព្រឹត្តិការណ៍បាល់ទាត់ពិភពលោក FIFA World Cup 2022, CBS ទទួលសិទ្ធិផ្ដាច់មុខ ផ្សាយបន្ដផ្ទាល់បាល់ទាត់ពិភពលោកនៅកម្ពុជា ចាប់ពីថ្ងៃអាទិត្យ ទី 20 ខែវិច្ឆិកា ដល់ថ្ងៃអាទិត្យ ទី 28 ខែធ្នូ ឆ្នាំ 2022៕

អត្ថបទទាក់ទង

ប្រវត្តិ World Cup លើកដំបូង ក្រោយ​សង្គ្រាម​លោកលើកទីពីរ

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស

ប្រវត្តិ World Cup លើកដំបូង ក្រោយសង្គ្រាមលោកលើកទីពីរ