គ្រូក្រូអាតថា “ជាមួយ Modric គ្មានអ្វីដែលមិនអាចទៅរួចនោះទេ”

FIFA World Cup
October 26th, 2022 (2 years)
576 Views
Share

លោក Zlatko Dalic ដែលបានដឹកនាំក្រុមជម្រើសជាតិក្រូអាតឡើងដល់វគ្គផ្ដាច់ព្រ័ត្រ FIFA World Cup 2018 បាននិងកំពុងត្រៀមខ្លួនដើម្បីទទួលបានបទពិសោធក្នុងព្រឹត្តិការណ៍នេះ ជាលើកទីពីរក្នុងអាជីពរបស់គាត់។

ក្នុងការដឹកនាំនៅ World Cup ជាលើកដំបូង លោក Dalic បានដឹកនាំក្រូអាតដល់វគ្គផ្ដាច់ព្រ័ត្រទល់នឹងបារាំង។ ប៉ុន្តែគាត់មានបំណងនាំក្រូអាតឈានដល់វគ្គផ្ដាច់ព្រ័ត្រម្ដងទៀតនៅឆ្នាំនេះ ដោយជឿជាក់លើក្រុមដែលរួមបញ្ចូលគ្នានូវកីឡាករដែលពោរពេញដោយទេពកោសល្យ ជាមួយនឹងកីឡាករជើងចាស់។

ក្រូអាត បានយកឈ្នះលើឧបសគ្គក្នុងវិថីដ៏លំបាកក្នុងវគ្គជម្រុះរបស់ពួកគេ ហើយនឹងចូលរួមក្នុងការប្រកួតបាល់ទាត់ពិភពលោកលើកទី 6 របស់ពួកគេ។ តារាឆ្នើមរបស់ក្រុម គឺ Luka Modric ត្រូវបានលោក Dalic មានទំនុកចិត្តថាកីឡាករដែលមានសមត្ថភាពច្រើនជាងគេរបស់ក្រូអាតនឹងបន្តប្រើប្រាស់ទេពកោសល្យដ៏អស្ចារ្យរបស់គាត់ដើម្បីជំរុញក្រុមរបស់គាត់ឱ្យទៅមុខម្តងទៀត។

លោក Dalic បានប្រាប់គេហទំព័រ FIFA ថា៖ “ខ្ញុំស្គាល់ Modric វាប្រហែលមិនមែនជាលើកចុងក្រោយ (ក្នុងការបង្ហាញខ្លួននៅ World Cup ) របស់គាត់ទេ។ គ្មានអ្វីដែលមិនអាចទៅរួចជាមួយគាត់ទេ។ អ្វីដែលគាត់ធ្វើក្នុងវ័យរបស់គាត់នេះ គឺមិនគួរឱ្យជឿឡើយ។ គាត់កាន់តែល្អពីមួយថ្ងៃទៅមួយថ្ងៃ និងបង្ហាញសមត្ថភាពរបស់គាត់កាន់តែល្អឱ្យក្រុមជម្រើសជាតិរបស់គាត់។”

“ក្រូអាតនឹងមិនដូចពីមុនទេ បន្ទាប់ពីការចូលនិវត្តន៍របស់ Modric ។ យើងជំពាក់គាត់ច្រើនណាស់ ហើយយើងនឹងដឹងគុណជានិច្ចចំពោះអ្វីដែលគាត់បានធ្វើ។”

ស្វាគមន៍ព្រឹត្តិការណ៍បាល់ទាត់ពិភពលោក FIFA World Cup 2022, CBS ទទួលសិទ្ធិផ្ដាច់មុខ ផ្សាយបន្ដផ្ទាល់បាល់ទាត់ពិភពលោកនៅកម្ពុជា ចាប់ពីថ្ងៃអាទិត្យ ទី 20 ខែវិច្ឆិកា ដល់ថ្ងៃអាទិត្យ ទី 18 ខែធ្នូ ឆ្នាំ 2022៕

អត្ថបទទាក់ទង

គ្រូក្រូអាតថា “ជាមួយ Modric គ្មានអ្វី​ដែលមិនអាច​ទៅរួច​នោះទេ”

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស

គ្រូក្រូអាតថា “ជាមួយ Modric គ្មានអ្វីដែលមិនអាចទៅរួចនោះទេ”