Liverpool អាចនឹងមិនមានខ្សែការពារសំខាន់មួយចំនួនពេលប៉ះ Aston Villa នៅ EPL

Premier League
December 23rd, 2022 (2 years)
1075 Views
Share

លោក Jurgen Klopp អ្នកចាត់ការទូទៅរបស់ក្លិប Liverpool បានប្រាប់ពីស្ថានភាពរបស់កូនក្រុមរបស់គាត់ មុនការប្រកួតទល់នឹង Aston Villa នៃក្របខណ្ឌ Premier League ដែលបានត្រឡប់មកវិញក្រោយ World Cup ។

អ្នកចាត់ការរូបនេះ បានបញ្ជាក់ថា Trent Alexander-Arnold មិនមានវត្តមានក្នុងការប្រកួតទល់នឹង Manchester City នៅកីឡដ្ឋាន Etihad កាលពីយប់មិញ ដោយសារជំងឺ។ ចំណែក Virgil van Dijk បានហ្វឹកហាត់នៅមូលដ្ឋាន Kirkby របស់ Liverpool ប៉ុន្តែគេក៏មិនបានចូលលេងក្នុងការប្រកួតដែល City ឈ្នះ 3-2 ដែរ។ Virgil van Dijk បានលេងក្នុងការប្រកួតទាំង 5 របស់ហុល្លង់នៅ World Cup ។

ជាមួយគ្នានេះ Ibrahima Konate បានជួយបារាំងឡើងដល់វគ្គផ្ដាច់ព្រ័ត្រនៅប្រទេសកាតា។ ខ្សែការពារកណ្តាលពេលនេះ ត្រូវបានផ្តល់ពេលសម្រាកបន្ថែម ហើយនឹងវិលត្រឡប់មកហ្វឹកហាត់វិញនៅសប្តាហ៍ក្រោយ ដូច្នេះគេទំនងជាអវត្តមានពេលជួប Aston Villa ។

ក្នុងការប្រកួត EFL Cup វគ្គ 16 ក្រុមចុងក្រោយដែល Liverpool បានធ្លាក់ចេញ កីឡាករ James Milner បានរងរបួសសរសៃពួរ ដែលធ្វើឱ្យកីឡាករចាស់វស្សារូបនេះ ក៏ទំនងជាមិនអាចលេងនៅប្រកួតបន្ទាប់បានផងដែរ។

ការប្រកួតរវាង Aston Villa ជាមួយ Liverpool នឹងមានផ្សាយបន្តផ្ទាល់ផ្ដាច់មុខនៅលើកញ្ចក់ទូរទស្សន៍ MyTV តែមួយគត់ នៅថ្ងៃទី 27 ខែធ្នូ ចាប់ពីម៉ោង 0:30 នាទីរំលងអធ្រាត្រតទៅ៕

អត្ថបទទាក់ទង