Wolves ប្រកាសជាផ្លូវការនូវការចុះកុងត្រាជាមួយ Matheus Cunha ពី At. Madrid

Premier League
December 27th, 2022 (2 years)
1073 Views
Share

Wolves បានចុះហត្ថលេខាជាមួយខ្សែប្រយុទ្ធប្រេស៊ីល Matheus Cunha ក្នុងលក្ខខណ្ឌខ្ចីជើងពី Atletico Madrid ជាមួយនឹងជម្រើសទិញផ្ដាច់នៅចុងរដូវកាលនេះ។

កីឡាករវ័យ 23 ឆ្នាំនឹងចូលរួមជាមួយក្រុមរបស់លោក Julen Lopetegui ចាប់ពីថ្ងៃទី 1 ខែមករា។ អតីតកីឡាករ RB Leipzig បានផ្លាស់ទៅ At. Madrid នៅរដូវក្តៅឆ្នាំ 2021 ហើយស៊ុតបញ្ចូលទីបាន 7 គ្រាប់កាលពីរដូវកាលមុន។

គាត់បានជួយប្រេស៊ីលឈ្នះមេដាយមាសក្នុងព្រឹត្តិការណ៍អូឡាំពិកក្រុងតូក្យូ ដោយបានស៊ុតបាល់បញ្ចូលទីបាន 8 គ្រាប់ ប៉ុន្តែមិនមានឈ្មោះនៅព្រឹត្តិការណ៍ World Cup នៅប្រទេសកាតាឡើយ។

Cunha គឺជាការទិញលើកដំបូងរបស់អ្នកចាត់ការ Lopetegui ចាប់តាំងពីគាត់បានចូលដឹកនាំ Wolves ដែលកំពុងស្ថិតនៅបាតតារាង Premier League នៅរដូវកាលនេះ។ Wolves ជាក្រុមដែលស៊ុតបញ្ចូលទីតិចបំផុតនៅរដូវកាលនេះ ដោយមាន 8 គ្រាប់តែប៉ុណ្ណោះ៕

អត្ថបទទាក់ទង