Cody Gakpo ត្រូវបានបង្ហាញខ្លួនជាកីឡាករ Liverpool ជាផ្លូវការ

Premier League
December 29th, 2022 (2 years)
811 Views
Share

Liverpool បានឈានដល់កិច្ចព្រមព្រៀងចុះហត្ថលេខាលើខ្សែប្រយុទ្ធសញ្ជាតិហុល្លង់ Cody Gakpo ពីក្លិប PSV Eindhoven នៃក្របខណ្ឌលីគកំពូលហុល្លង់។

កិច្ចព្រមព្រៀងនេះមានតម្លៃ 40-50 លានអឺរ៉ូ ដោយក្លិបនៃក្របខណ្ឌ Eredivisie បាននិយាយថាការផ្ទេរនេះគឺជាតម្លៃផ្ទេរកំណត់ត្រាសម្រាប់ពួកគេ។

Gakpo វ័យ 23 ឆ្នាំនឹងចូលរួមជាមួយ Liverpool ជាផ្លូវការនៅដើមខែមករា ហើយកិច្ចសន្យារបស់គេនឹងមានសុពលភាពរហូតដល់ពាក់កណ្ដាលឆ្នាំ 2028 ។

Gakpo បាននិយាយថា៖ “ខ្ញុំទន្ទឹងរង់ចាំក្នុងការចាប់ផ្តើមហ្វឹកហាត់ និងចាប់ផ្តើមលេងឱ្យក្លិបដ៏អស្ចារ្យនេះ។” “ខ្ញុំគិតថានេះគឺជាក្លិបដ៏អស្ចារ្យមួយសម្រាប់ខ្ញុំក្នុងការចូលមក ហើយព្យាយាមបង្ហាញពីអ្វីដែលខ្ញុំអាចធ្វើបាន ដើម្បីព្យាយាមជួយក្រុមឱ្យសម្រេចបានសមិទ្ធផលផ្សេងៗបន្ថែមទៀតដែលពួកគេបានធ្វើរួចមកហើយកាលពីប៉ុន្មានឆ្នាំមុន។”

Gakpo បានស៊ុតបញ្ចូលទីបាន 3 គ្រាប់ និងបានជួយក្រុមជម្រើសជាតិហុល្លង់របស់គាត់ឈានដល់វគ្គ 8 ក្រុមចុងក្រោយ នៃព្រឹត្តិការណ៍ FIFA World Cup Qatar 2022 ។

អ្នកចាត់ការក្រុម Liverpool លោក Jurgen Klopp បានបន្ថែម Gakpo ទៅប្រព័ន្ធប្រយុទ្ធរបស់គាត់ នៅពេលដែលខ្សែប្រយុទ្ធ Luis Diaz និង Diogo Jota កំពុងសម្រាកព្យាបាលរបួសរយៈពេលយូរ៕

អត្ថបទទាក់ទង