គ្រូAston Villaថា Martinezបានត្រៀមខ្លួនរួចរាល់ដើម្បីចូលលេងឡើងវិញ ក្រោយមានការរិះគន់ចំពោះទង្វើមិនសមរម្យ

Premier League
January 4th, 2023 (2 years)
1382 Views
Share

អ្នកចាត់ការក្រុម Aston Villa លោក Unai Emery ជឿជាក់ថាអ្នកចាំទី Emiliano Martinez បានផ្តោតលើការលេងឱ្យក្លិប Premier League បន្ទាប់ពីអាហ្សង់ទីនឈ្នះ World Cup ។

Martinez ត្រូវបានគេរំពឹងថានឹងបង្ហាញខ្លួនជាថ្មី ពេលប៉ះ Wolverhampton Wanderers នៅយប់នេះ។ គាត់បានជួយឱ្យអាហ្សង់ទីនយកឈ្នះបារាំងក្នុងលទ្ធផល 4-2 ដោយបាល់ប៉េណាល់ទីក្នុងវគ្គផ្ដាច់ព្រ័ត្រ កាលពីថ្ងៃទី 18 ខែធ្នូ។

លោក Emery បាននិយាយថា៖ “ឥឡូវនេះការផ្តោតអារម្មណ៍របស់គាត់គឺ 100% ជាមួយ Aston Villa” ។ “សម្រាប់យើង គាត់សំខាន់ណាស់ ហើយយើងមានមោទកភាពចំពោះគាត់ ឈ្នះពានរង្វាន់ World Cup ។”

កាលពីខែមុន Emery បាននិយាយថា គាត់មានគម្រោងនិយាយជាមួយអ្នកចាំទីវ័យ 30 ឆ្នាំអំពីទង្វើមិនគប្បីរបស់គាត់ បន្ទាប់ពីការឈ្នះពានរង្វាន់ World Cup របស់ក្រុមអាហ្សង់ទីន។

Martinez ត្រូវបានគេរិះគន់ចំពោះទង្វើមួយចំនួនរបស់គាត់ បន្ទាប់ពីការប្រកួតវគ្គផ្តាច់ព្រ័ត្រ រួមបញ្ចូលទាំងកាយវិការមិនសមរម្យជាមួយនឹងពានរង្វាន់ស្រោមដៃមាសរបស់គាត់ផងដែរ៕

អត្ថបទទាក់ទង