ខ្សែប្រយុទ្ធជម្រើសជាតិអូស្ត្រាលីរបស់ Newcastle ចូលរួមជាមួយក្រុមនៅស្កុតឡែន

Premier League
January 9th, 2023 (2 years)
939 Views
Share

ខ្សែប្រយុទ្ធរបស់ Newcastle United និងក្រុមជម្រើសជាតិអូស្ត្រាលី កីឡាករ Garang Kuol នឹងចូលរួមជាមួយក្រុម Hearts នៃប្រទេសស្កុតឡែន ក្នុងលក្ខខណ្ឌខ្ចីជើង រហូតដល់ចប់រដូវកាលនេះ។

ខ្សែប្រយុទ្ធវ័យ 18 ឆ្នាំដែលបានចូលរួមជាមួយក្រុមសារិកាព្រៃពីក្លិប Central Coast Mariners កាលពីដើមខែនេះ បានលេងពីរប្រកួតសម្រាប់អូស្ត្រាលី ក្នុងព្រឹត្តិការណ៍ World Cup នៅប្រទេសកាតា។ ក្លិបនៅក្នុងក្របខណ្ឌលីគទីពីរអង់គ្លេស បានទាក់ទងកីឡាករវ័យក្មេងរូបនេះ ប៉ុន្តែ Newcastle បានទទួលយកសំណើរបស់ក្លិបដែលមានមូលដ្ឋាននៅទីក្រុង Edinburgh ។

Kuol ត្រូវបានគេមើលឃើញថា ជាខ្សែប្រយុទ្ធដ៏ឆ្នើមម្នាក់ ហើយលោក Eddie Howe មានបំណងចង់ឱ្យគេទទួលបានការប្រកួតទៀងទាត់ និងការប្រកួតប្រជែងក្នុងលីគបាល់ទាត់ក្នុងចក្រភពអង់គ្លេស។

ជាមួយនឹងល្បឿន កម្លាំង និងការបញ្ចប់ទី Kuol អាចលេងបានគ្រប់ទីកន្លែងនៅលើតំបន់ខ្សែប្រយុទ្ធជួរមុខ។ ការបង្ហាញខ្លួនពីរលើករបស់គេសម្រាប់ក្រុមជម្រើសជាតិអូស្រ្តាលី នៅ World Cup នៅប្រទេសកាតា គឺប៉ះជាមួយក្រុមបារាំង និងអាហ្សង់ទីន ដែលបានក្លាយជាកីឡាករអូស្ត្រាលីវ័យក្មេងបំផុតនៅ World Cup ។

Kuol គឺជាកីឡាករក្មេងជាងគេបំផុតដែលបានបង្ហាញខ្លួនក្នុងវគ្គចាញ់ធ្លាក់ World Cup បន្ទាប់ពី Pele ក្នុងឆ្នាំ 1958 ៕

អត្ថបទទាក់ទង