Aston Villa យល់ព្រមលើកិច្ចព្រមព្រៀង 13.2លានផោនសម្រាប់ខ្សែការពារ Real Betis

Premier League
January 10th, 2023 (2 years)
846 Views
Share

Aston Villa បានយល់ព្រមលើកិច្ចព្រមព្រៀងមួយដើម្បីចុះហត្ថលេខាជាមួយខ្សែការពារស្លាបឆ្វេង Alex Moreno របស់ក្លិបអេស្ប៉ាញ Real Betis ក្នុងតម្លៃ 13.2 លានផោន។

កីឡាករសញ្ជាតិអេស្ប៉ាញវ័យ 29 ឆ្នាំរូបនេះ នឹងក្លាយជាកីឡាករចំណូលថ្មីដំបូងគេបង្អស់ក្រោមការដឹកនាំរបស់លោក Unai Emery ដែលទើបកាន់តំណែងនៅ Villa ។

Moreno បានលេងក្នុងការប្រកួតទាំងអស់សម្រាប់ Real Betis លើកលែងតែការប្រកួត La Liga មួយប្រកួតប៉ុណ្ណោះរហូតមកដល់ពេលនេះ នៅរដូវកាលនេះ។ គេនឹងទទួលបានការពិនិត្យសុខភាពក្នុងរយៈពេល 48 ម៉ោងបន្ទាប់មុនពេលបញ្ចប់បែបបទនៃការផ្ទេរ។

Emery ចង់ពង្រឹងក្រុម Villa របស់គាត់នៅខែមករានេះ ហើយ Moreno នឹងផ្តល់ជម្រើសបន្ថែមនៅតំបន់ការពារស្លាបឆ្វេងបន្ទាប់ពី Lucas Digne ដែលត្រូវបាននាំយកមក Villa ពី Everton ដោយអតីតអ្នកចាត់ការ Steven Gerrard ក្នុងកិច្ចព្រមព្រៀង 25 លានផោនកាលពី 12 ខែមុន។

Villa បច្ចុប្បន្នស្ថិតក្នុងចំណាត់ថ្នាក់លេខ 11 ក្នុងក្របខណ្ឌ Premier League ហើយបានធ្លាក់ចេញពីពានរង្វាន់ FA Cup កាលពីចុងសប្តាហ៍មុន៕

អត្ថបទទាក់ទង