Leeds នឹងបង្កើតកំណត់ត្រាថ្មី នៅពេលដែលទិញបានខ្សែប្រយុទ្ធពី Hoffenheim

Premier League
January 10th, 2023 (2 years)
624 Views
Share

Leeds ត្រៀមចុះហត្ថលេខាជាមួយខ្សែប្រយុទ្ធ Georginio Rutter របស់ក្លិបអាល្លឺម៉ង់ Hoffenheim ក្នុងតម្លៃកំណត់ត្រារបស់ក្លិប 35.3 លានផោន។

ការពិភាក្សា បានឈានដល់ដំណាក់កាលចុងក្រោយសម្រាប់កីឡាករអាយុ 20 ឆ្នាំរូបនេះ ហើយការពិនិត្យសុខភាពអាចនឹងកើតឡើងក្នុងរយៈពេល 48 ម៉ោងបន្ទាប់។

កីឡាករ U21 បារាំងរូបនេះ នឹងមានតម្លៃដល់ទៅ 40 លានអឺរ៉ូ (£35.3m) លើសពីតម្លៃកំណត់ត្រារបស់កីឡាករ Rodrigo ផ្ទេរពី Valencia កាលពីខែសីហាឆ្នាំ 2020 ដែលមានតម្លៃ 27 លានផោន។

Rutter បានស៊ុតបញ្ចូលទី 2 គ្រាប់ក្នុង 17 ប្រកួតនៅរដូវកាលនេះសម្រាប់ Hoffenheim ហើយរកបានសរុប 11 គ្រាប់ក្នុងការបង្ហាញខ្លួន 64 ប្រកួត សម្រាប់ក្រុមនៅក្របខណ្ឌ Bundesliga ។

Leeds ទើបតែបាននាំយកខ្សែការពារសញ្ជាតិអូទ្រីស Max Wober ពី Red Bull Salzburg ក្នុងតម្លៃ 11 លានផោនផងដែរ។ ក្រុមរបស់លោក Jesse Marsch ឈរនៅលេខ 14 ក្នុងក្របខណ្ឌ Premier League ដែលមាន 2 ពិន្ទុពីលើតំបន់កាត់ចោល៕

អត្ថបទទាក់ទង