Lionel Messi ជួយPSGឆ្ពោះទៅរកជ័យជម្នះសាជាថ្មី ក្រោយត្រឡប់ពីWorld Cup

បាល់ទាត់
January 12th, 2023 (2 years)
1064 Views
Share

Lionel Messi បានស៊ុតបញ្ចូលទី 1 គ្រាប់ ក្នុងជ័យជម្នះ 2-0 របស់ Paris Saint-Germain លើក្រុម Angers ក្នុងក្របខណ្ឌ Ligue 1 កាលពីយប់មិញ សម្រាប់ការបង្ហាញខ្លួនជាលើកដំបូងរបស់គាត់ចាប់តាំងពីបានដឹកនាំអាហ្សង់ទីនឱ្យក្លាយជាម្ចាស់ពានរង្វាន់ FIFA World Cup 2022 នៅប្រទេសកាតា។

Messi ត្រូវបានអនុញ្ញាតឱ្យសម្រាកចំនួន 3 ប្រកួតរបស់ PSG បន្ទាប់ពី ប៉ុន្តែគាត់បានត្រលប់ទៅហ្វឹកហាត់នៅទីក្រុងប៉ារីសវិញ កាលពីមួយសប្តាហ៍មុន ហើយបានត្រលប់មកវិញក្នុងជម្រើសដំបូងសម្រាប់ការប្រកួតជាមួយនឹងក្រុមបាតតារាង Ligue 1 ។

ជ័យជម្នះនេះ បានកើតឡើងរយៈពេល 3 សប្តាហ៍កន្លះ បន្ទាប់ពី Messi បានធ្វើជាប្រធានក្រុមអាហ្សង់ទីនក្នុងការប្រកួតវគ្គផ្តាច់ព្រ័ត្រ World Cup បានធ្វើឱ្យ PSG នាំមុខ 6 ពិន្ទុនៅលើកំពូលតារាងរបស់លីគកំពូលបារាំង។

Neymar បានបង្ហាញខ្លួនក្នុងជម្រើស 11 នាក់នៅក្នុងការប្រកួតនេះផងដែរ បន្ទាប់ពីខកខានការប្រកួត 2 លើកកន្លងទៅ ដោយសារជាប់បម្រាម និងទទួលការព្យាបាលរបួសកជើង អំឡុងពេលព្រឹត្តិការណ៍ World Cup ជាមួយក្រុមជម្រើសជាតិប្រេស៊ីល។

ដោយឡែក Kylian Mbappe ត្រូវបានអនុញ្ញាតឱ្យសម្រាក។ ខ្សែប្រយុទ្ធក្រុមជម្រើសជាតិបារាំង ទំនងជាចូលលេងជាមួយ Neymar នៅចុងសប្ដាហ៍នេះ ពេល PSG ប៉ះ Rennes ៕

អត្ថបទទាក់ទង

Lionel Messi ជួយPSGឆ្ពោះទៅរកជ័យជម្នះសាជាថ្មី ក្រោយត្រឡប់ពីWorld Cup

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស