Real Madrid ឡើងទៅវគ្គផ្ដាច់ព្រ័ត្រ Super Cup ដើម្បីរង់ចាំ Barcelona ឬ Real Betis មុន

បាល់ទាត់
January 12th, 2023 (2 years)
601 Views
Share

Real Madrid បានកក់កៅអីមួយក្នុងវគ្គផ្តាច់ព្រ័ត្រ ពានរង្វាន់ Super Cup កាលពីយប់មិញ បន្ទាប់ពីពួកគេបានយកឈ្នះលើ Valencia ក្នុងលទ្ធផល 4-3 ដោយការស៊ុតបាល់ប៉េណាល់ទីកាត់ក្ដី ក្នុងទីក្រុង Riyadh ។

ក្នុងការប្រកួតវគ្គពាក់កណ្តាលផ្តាច់ព្រ័ត្រនេះ Real Madrid បានបើកការនាំមុខ ខណៈខ្សែប្រយុទ្ធបារាំង Karim Benzema បានស៊ុតបាល់ប៉េណាល់ទី នៅនាទីទី 39 នៅកីឡដ្ឋាន King Fahd។ ប៉ុន្តែ Samuel Lino របស់ Valencia រកបានគ្រាប់បាល់តាមស្មើនៅនាទីទី 46 ។

ការស៊ុតបាល់ប៉េណាល់ទីកាត់ក្ដីមិនអាចជៀសផុតឡើយ បន្ទាប់ពីក្រុមទាំងពីរបញ្ចប់ដោយលទ្ធផលស្មើគ្នានៅម៉ោងធម្មតា និងម៉ោងបន្ថែម។ កីឡាករ Benzema, Luka Modric, Toni Kroos និង Marco Asensio របស់ Real Madrid បានស៊ុតចូល។

ចំណែក Edinson Cavani, Ilaix Moriba និង Hugo Guillamon ស៊ុតបញ្ចូលទីសម្រាប់ Valencia ។ ប៉ុន្តែ Eray Comert និង Jose Gaya បានខកខានការស៊ុតបាល់ប៉េណាល់ទីរបស់ពួកគេ ដែលបណ្តាលឱ្យ Valencia ត្រូវធ្លាក់ចេញពីការប្រកួត Super Cup ត្រឹមវគ្គពាក់កណ្ដាលផ្ដាច់ព្រ័ត្រ។

Real Madrid នឹងត្រូវប៉ះ Real Betis ឬ Barcelona នៅវគ្គផ្តាច់ព្រ័ត្រ បន្ទាប់ពី Real Betis នឹងប្រកួតជាមួយ Barcelona នៅយប់នេះ៕

អត្ថបទទាក់ទង

Real Madrid ឡើងទៅវគ្គផ្ដាច់ព្រ័ត្រ Super Cup ដើម្បីរង់ចាំ Barcelona ឬ Real Betis មុន

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស