EPL Preview៖ ការប្រកួត Brightonទល់នឹងLiverpool ផ្សាយបន្តផ្ទាល់នៅ MyTV នៅយប់នេះ

Premier League
January 14th, 2023 (2 years)
1021 Views
Share

ការ ប្រកួត ដ៏ ជក់ចិត្តនៅយប់ថ្ងៃសៅរ៍នេះ រវាងក្រុម Brighton ជាមួយ Liverpool នៅ កីឡដ្ឋាន Amex នឹងមានផ្សាយបន្តផ្ទាល់ផ្ដាច់មុខនៅលើកញ្ចក់ទូរទស្សន៍ MyTV តែមួយគត់ ចាប់ពីម៉ោង 9:55 នាទីតទៅ។

កូនក្រុមរបស់អ្នកចាត់ការ Roberto De Zerbi មានទម្រង់លេងដ៏ល្អ ហើយជ័យជម្នះយប់នេះ នឹងធ្វើឱ្យពួកគេឈរលើ Liverpool នៅក្នុងតារាងនៃក្របខណ្ឌ Premier League ដែលខុសគ្នាត្រឹមតែ 1 ពិន្ទុប៉ុណ្ណោះ (Liverpool ចំណាត់ថ្នាក់លេខ7; Brighton លេខ 8)។

Liverpool បានចាញ់ Brentford ក្នុងការប្រកួត Premier League ចុងក្រោយរបស់ពួកគេ ហើយមានអវត្តមានកីឡាករសំខាន់ៗមួយចំនួនដោយសាររបួស ដូចជា Virgil van Dijk ជាដើម។

ក្រុមរបស់លោក Jurgen Klopp តាមពីក្រោយក្រុម Manchester United ដែលស្ថិតក្នុងចំណាត់ថ្នាក់ទី 4 ចំនួន 7 ពិន្ទុ ហើយពួកគេមិនអាចធ្វេសប្រហែសបានឡើយ ដើម្បីប្រជែងយកចំណាត់ថ្នាក់កំពូលទាំង 4 ។

អ្នកចាត់ការក្រុម Brighton លោក Roberto De Zerbi បានបញ្ជាក់កាលពីថ្ងៃសុក្រថា Leandro Trossard ដែលបានស៊ុតបាល់បញ្ចូលទីហែតទ្រីក កាលពីជើងទីមួយ នឹងអវត្តមានពេលប៉ះ Liverpool នៅជើងទីពីរ ដោយសារបញ្ហាអាកប្បកិរិយារបស់កីឡាករ។ កីឡាករសញ្ជាតិបែលហ្ស៊ិករូបនេះ ចង់ផ្លាស់ប្តូរចេញពីក្រុម Brighton ។ Jakub Moder អវត្តមានដោយសាររបួសសរសៃពួរជង្គង់។

សម្រាប់ Liverpool លោក Jurgen Klopp អាច នឹង គ្មាន កីឡាករ យ៉ាង ហោច ណាស់ 7 នាក់។ Virgil van Dijk, Roberto Firmino, Luis Diaz, Diogo Jota និង Arthur សុទ្ធតែមិនអាចលេងបាន ហើយ Andrew Robertson, Darwin Nunez និង James Milner មិនទាន់ Fit 100% ឡើយ។

នេះអាចជាជម្រើស 11 នាក់ដំបូងរបស់ Brighton ដែលអាចប្រើប្រាស់ទម្រង់ 4-2-3-1 ៖

Sanchez, Veltman, Dunk, Colwill, Estupinan; Caicedo, Gross, March, Mac Allister, Mitoma, Ferguson

នេះអាចជាជម្រើស 11 នាក់ដំបូងរបស់ Liverpool ដែលអាចប្រើប្រាស់ទម្រង់ 4-3-3 ៖

Alisson, Alexander-Arnold, Matip, Konate, Tsimikas; Henderson, Fabinho, Thiago; Salah, Gakpo, Oxlade-Chamberlain

Cbs Sport ទស្សន៍ទាយថាលទ្ធផលសម្រាប់ការប្រកួតរវាងក្រុមទាំងពីរគឺ ៖ Brighton 1-1 Liverpool ៕

អត្ថបទទាក់ទង