EPL Preview៖ ការប្រកួតរវាងSpursទល់នឹងArsenal ផ្សាយបន្តផ្ទាល់នៅ CTN យប់ស្អែកនេះ

Premier League
January 14th, 2023 (2 years)
913 Views
Share

ការ ប្រកួត London Derby រវាង ក្រុម Tottenham Hotspur ជាមួយ Arsenal នៅ កីឡដ្ឋាន Tottenham Hotspur នឹងមានផ្សាយបន្តផ្ទាល់ផ្ដាច់មុខនៅលើកញ្ចក់ទូរទស្សន៍ CTN តែមួយគត់ នៅរាត្រីថ្ងៃអាទិត្យ ទី 15 ខែមករា ចាប់ពីម៉ោង 11:25 នាទីតទៅ។

Spurs កំពុងសម្លឹងមើលចំណាត់ថ្នាក់សម្រាប់ការប្រកួត Champions League នៅរដូវកាលក្រោយ។ ទោះបីជាយ៉ាងណា Arsenal មានទម្រង់លេងដ៏ល្អបំផុតរបស់ពួកគេក្នុងរយៈពេលជាច្រើនឆ្នាំ ដែលធ្វើឱ្យពួកគេរក្សាចំណាត់ថ្នាក់នៅលើកំពូលតារានៃក្របខណ្ឌ Premier League ។

គ្រូបង្វឹក Spurs លោក Antonio Conte បានបញ្ជាក់ថា Rodrigo Bentancur និង Richarlison កំពុងជាសះស្បើយពីរបួសរបស់ពួកគេ។ ប៉ុន្តែវាមិនទាន់ច្បាស់ទេដែលកីឡាករទាំងពីរអាចចូលលេងទល់នឹង Arsenal ។ Lucas Moura មាន របួស យូរ ខណៈ Yves Bissouma បាន ចូល ហ្វឹកហាត់ វិញ ហើយ។

Gabriel Jesus និង Reiss Nelson គឺជាកីឡាករដែលស្ថិតក្នុងបញ្ជីអវត្តមានរបស់ Arsenal ។ ដូច្នេះ Eddie Nketiah នឹងបន្តការបំពេញចន្លោះប្រហោងនៅកន្លែងរបស់ Jesus ។

នេះអាចជាជម្រើស 11 នាក់ដំបូងរបស់ Spurs ដែលអាចប្រើប្រាស់ទម្រង់ 3-4-3 ៖

Lloris; Romero, Dier, Lengley; Doherty, Hojbjerg, Bissouma, Perisic; Kulusevski, Kane, Son

នេះអាចជាជម្រើស 11 នាក់ដំបូងរបស់ Arsenal ដែលអាចប្រើប្រាស់ទម្រង់ 4-3-3 ៖

Ramsdale; White, Saliba, Gabriel, Zinchenko; Odegaard, Partey, Xhaka; Saka, Nketiah, Martinelli

CBS Sport ទស្សន៍ទាយថាលទ្ធផលសម្រាប់ការប្រកួតរវាងក្រុមទាំងពីរគឺ៖ Spurs 1-2 Arsenal ៕

អត្ថបទទាក់ទង