Pep៖ Man City ត្រូវការការចូលរួមរបស់ Haalandបន្ថែមទៀតពេលបានបាល់

Premier League
January 16th, 2023 (2 years)
620 Views
Share

លោក Pep Guardiola បានបញ្ជាក់ថា Manchester City ត្រូវតែរកវិធីដើម្បីធ្វើឱ្យ Erling Haaland ចូលរួមបន្ថែមទៀត នៅពេលដែលពួកគេគ្រប់គ្រង់បាល់។

Haaland ពុំសូវឃើញនោះទេ អំឡុងបរាជ័យក្រោមថ្វីជើងរបស់ក្រុម Manchester United ក្នុងលទ្ធផល 2-1 នៅក្របខណ្ឌ Premier League កាលពីថ្ងៃសៅរ៍ ហើយបានប៉ះបាល់តែ 19 ដងប៉ុណ្ណោះក្នុងការប្រកួត។

Haalnd គឺជាម៉ាស៊ីនរកគ្រាប់បាល់របស់ City មុនព្រឹត្តិការណ៍ FIFA World Cup 2022 នៅប្រទេសកាតា ប៉ុន្តែកីឡាករសញ្ជាតិន័រវែសរូបនេះ ហាក់មានការធ្លាក់ជើងបន្តិចបន្ទាប់ពីមិនបានចូលរួមក្នុងព្រឹត្តិការណ៍បាល់ទាត់ពិភពលោក ដែលអាហ្សង់ទីនបានក្លាយជាក្រុមជើងឯក។

អតីតខ្សែបម្រើរបស់ City លោក Didi Hamaan បានបង្ហោះនៅលើបណ្ដាញសង្គមកាលពីថ្ងៃសៅរ៍ ថា Man City “ជាក្រុមដែលប្រសើរជាងដោយគ្មាន Haaland ទោះបីជាគេនឹងស៊ុតបញ្ចូលទីបាន 40 គ្រាប់ក្នុងរដូវកាលនេះក៏ដោយ”។

លោក Guardiola ទំនងជាមិនយល់ស្របនឹងរឿងនោះទេ ប៉ុន្តែគាត់នឹងព្យាយាមធ្វើឱ្យ Haaland សម្របខ្លួនជាមួយនឹងប្រព័ន្ធលេងរបស់ City។ គាត់បាននិយាយថា៖ “នៅពេលនេះ ពួកយើងកំពុងធ្វើវាហើយ ពីព្រោះនៅពេលដែលគូប្រជែងយើងលេងការពារក្នុងប្រអប់ វាកាន់តែពិបាកសម្រាប់ពួកយើង ប៉ុន្តែពួកយើងត្រូវតែបង្កើនឱកាសដើម្បីបោះបាល់ឱ្យគេបន្ថែមទៀត”៕

អត្ថបទទាក់ទង