Ronaldo នឹងចូលលេងក្នុងការប្រកួតមិត្តភាពជាមួយ PSG នៅអារ៉ាប៊ីសាអ៊ូឌីត

បាល់ទាត់
January 17th, 2023 (2 years)
825 Views
Share

Cristiano Ronaldo នឹងបង្ហាញខ្លួនជាលើកដំបូងនៅលើទីលានការប្រកួតដំបូងក្នុងប្រទេសអារ៉ាប៊ីសាអ៊ូឌីត ក្នុងសប្តាហ៍នេះ ខណៈក្រុម Riyadh All-Star នឹងត្រូវជួបជាមួយក្រុម Paris Saint-Germain នៅថ្ងៃព្រហស្បតិ៍ ក្នុងការប្រកួតមិត្តភាព ដែល Ronaldo នឹងធ្វើជាប្រធានក្រុម។

វាគឺជាការប្រកួតដំបូងរបស់ Ronaldo ចាប់តាំងពីចូលរួមជាមួយក្លិប Al Nassr ជាផ្លូវការនៅថ្ងៃទី 1 ខែមករា ហើយកីឡាករព័រទុយហ្គាល់រូបនេះ នឹងដឹកនាំក្រុម Riyadh All Star ដែលមានការរួមបញ្ចូលគ្នានៃកីឡាករមកពីក្លិប Al Hilal និង Al Nassr ដែលជាក្រុមខ្លាំងពីរនៅក្នុងលីគកំពូលអារ៉ាប៊ីសាអ៊ូឌីត។

សម្រាប់ PSG មិនទាន់មានការរាយការណ៍ថា នឹងមានវត្តមានរបស់ Lionel Messi ដែលជាម្ចាស់ពានរង្វាន់ World Cup 2022 នៅក្នុងការប្រកួតនេះឬយ៉ាងណានោះទេ។ PSG គឺត្រូវបានគ្រប់គ្រងដោយមហាសេដ្ឋីកាតា Nasser Al-Khelaifi និងជាម្ចាស់ក្រុមហ៊ុន Qatar Sports Investments ។

Ronaldo មិនបានបង្ហាញខ្លួននៅក្នុងការប្រកួតចំនួន 2 កន្លងមករបស់ក្លិប Al Nassr បន្ទាប់ពីជាប់បម្រាមរបស់សមាគមបាល់ទាត់អង់គ្លេសចំពោះទង្វើរបស់គាត់កាលពីខែមេសា ដោយសារការទះទូរសព្ទពីក្នុងដៃរបស់អ្នកគាំទ្រម្នាក់ ប៉ុន្តែគាត់នឹងអាចលេងនៅប្រកួតបន្ទាប់នៅក្នុងក្របខណ្ឌលីគអារ៉ាប៊ីសាអ៊ូឌីត៕

អត្ថបទទាក់ទង

Ronaldo នឹងចូលលេងក្នុងការប្រកួតមិត្តភាពជាមួយ PSG នៅអារ៉ាប៊ីសាអ៊ូឌីត

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស