Wolves បានយល់ព្រមលើកិច្ចព្រមព្រៀងសម្រាប់ខ្សែបម្រើរបស់ PSG

Premier League
January 17th, 2023 (2 years)
548 Views
Share

ភ្នាក់ងារសារព័ត៌មាន PA បានរាយការណ៍ថាក្លិបបាល់ទាត់ Wolves នៅក្របខណ្ឌ Premier League បានយល់ព្រមលើការចុះហត្ថលេខាលើកិច្ចព្រមព្រៀងសម្រាប់ខ្សែបម្រើប្រយុទ្ធ Pablo Sarabia ពីក្លិប Paris St Germain នៃក្របខណ្ឌ Ligue 1 របស់បារាំង។

កីឡាករសញ្ជាតិអេស្ប៉ាញរូបនេះ គ្រោងនឹងចូលរួមជាមួយកិច្ចសន្យារយៈពេល 2 ឆ្នាំកន្លះ ក្នុងតម្លៃ 5 លានអឺរ៉ូ (4.4 លានផោន) ។ កីឡាករវ័យ 30 ឆ្នាំរូបនេះបានបង្ហាញខ្លួន 14 ប្រកួតនៅ Ligue 1 សម្រាប់ PSG នៅរដូវកាលនេះ ហើយថែមទាំងបង្ហាញខ្លួនក្នុងការប្រកួត Champions League ចំនួន 3 ប្រកួតផងដែរ។

Sarabia បានចូលរួមជាមួយ PSG ពីក្លិប Sevilla ក្នុងឆ្នាំ 2019 និងជាផ្នែកមួយនៃក្រុមរបស់អេស្ប៉ាញសម្រាប់ការប្រកួតបាល់ទាត់ពិភពលោកឆ្នាំ 2022 នៅប្រទេសកាតា។

គោលដៅបន្ទាប់សម្រាប់ Wolves គឺខ្សែបម្រើ Joao Gomes របស់ Flamengo បន្ទាប់ពីពួកគេបានចុះហត្ថលេខាជាមួយកីឡាករ Matheus Cunha រួចហើយក្នុងលក្ខខណ្ឌខ្ចីជើងពីក្លិប Atletico Madrid ។

Wolves បានទទួលលទ្ធផលល្អប្រសើរឡើងវិញ ក្រោយការចូលមកដឹកនាំរបស់លោក Lulen Lopetegui ដោយបានដឹកនាំពួកគេឱ្យចាកចេញពីតំបន់កាត់ចោល និងកំពុងឈរនៅចំណាត់ថ្នាក់លេខ 16 ក្នុងតារាង EPL ៕

អត្ថបទទាក់ទង