ប្រាក់20លានផោនពីការលក់Mykhailo Mudrykឱ្យChelseaត្រូវបានបរិច្ចាគឱ្យកម្លាំងយោធាអ៊ុយក្រែន

Premier League
January 17th, 2023 (2 years)
733 Views
Share

លោក Rinat Akhmetov ម្ចាស់ក្លិប Shakhtar Donetsk បានបរិច្ចាគទឹកប្រាក់ 20លានផោនពីការលក់ខ្សែប្រយុទ្ធ Mykhailo Mudryk ទៅឱ្យChelsea សម្រាប់កិច្ចខិតខំប្រឹងប្រែងសង្រ្គាមរបស់អ៊ុយក្រែន។

Mudryk វ័យ 22 ឆ្នាំបានចូលរួមជាមួយ Chelsea ក្នុងកិច្ចព្រមព្រៀងដែលមានតម្លៃ 87 លានផោនកាលពីថ្ងៃអាទិត្យ។ Mudryk បានបង្ហាញខ្លួននៅកីឡដ្ឋាន Stamford Bridge នៅចំពោះមុខអ្នកគាំទ្ររបស់ Chelsea អំឡុងពេលពេលជ័យជម្នះ 1-0 លើ Crystal Palace ។

លោក Akhmetov បានបញ្ជាក់នៅក្នុងសេចក្តីថ្លែងការណ៍មួយថា ទឹកប្រាក់ 20 លានផោននឹងផ្ដល់ឱ្យទាហានអ៊ុយក្រែននូវការផ្គត់ផ្គង់ផ្នែកវេជ្ជសាស្រ្ត និងការព្យាបាលសម្រាប់ជម្លោះដែលកំពុងបន្តជាមួយរុស្ស៊ី។

Mudryk បានចាកចេញពី Shakhtar បន្ទាប់ពីលេងបាន 29 ប្រកួតសម្រាប់ក្លិបនៅប្រទេសអ៊ុយក្រែន ដែលជាប្រទេសកំណើតរបស់កីឡាកររូបនេះផងដែរ។ គេបានចាត់ទុក Mudryk ជាកីឡាករដែលអាចក្លាយជាកីឡាករដ៏ឆ្នើមម្នាក់នៅលើពិភពលោក ហើយបានស៊ុតបញ្ចូលទី 7 គ្រាប់ និងបញ្ជូនបាល់ Assist 6ដង ក្នុងការបង្ហាញខ្លួនលើទីលាន រយៈពេល 914 នាទីនៅក្នុងលីគកំពូលអ៊ុយក្រែននៅរដូវកាលនេះ៕

អត្ថបទទាក់ទង