ប្រទេសអារ៉ាប៊ីសាអ៊ូឌីតរៀបចំការប្រកួតវគ្គផ្ដាច់ព្រ័ត្រពានរង្វាន់ Super Cup រវាងAC Milanជាមួយ Inter Milan យប់នេះ

បាល់ទាត់
January 18th, 2023 (2 years)
956 Views
Share

គូប្រជែងប្រចាំទីក្រុង AC Milan និង Inter Milan នឹងត្រូវប្រឈមមុខដាក់គ្នានៅរាត្រីនេះ ចាប់ពីម៉ោង 2:00 រំលងអាធ្រាត្រ នៅទីក្រុង Riyadh ប្រទេសអារ៉ាប៊ីសាអ៊ូឌីត ក្នុងការប្រកួតវគ្គផ្ដាច់ព្រ័ត្រ ពានរង្វាន់ Italian Super Cup លើកទី 35 ។

ក្រុមជើងឯកពានរង្វាន់ក្របខណ្ឌ Serie A នឹងប៉ះក្រុមម្ចាស់ជើងឯក Coppa Italia កាលពីរដូវកាលមុន ដើម្បីដណ្តើមយកពានរង្វាន់ដំបូងនៃរដូវកាល 2022-23 របស់ពួកគេ។

អារ៉ាប៊ីសាអ៊ូឌីតនឹងធ្វើជាម្ចាស់ផ្ទះនៃការប្រកួតជាលើកទី3 ក្នុងរយៈពេល 5 ឆ្នាំចុងក្រោយនេះ បន្ទាប់ពីកិច្ចព្រមព្រៀងដែល Lega Serie A និង General Sports Authority (ស្ថាប័នគ្រប់គ្រងកីឡារបស់ប្រទេសអារ៉ាប៊ីសាអ៊ូឌីត) បានសម្រេចកាលពីឆ្នាំ 2018 ។

សូមជម្រាបថា ការប្រកួតនេះ ក៏ធ្លាប់ធ្វើឡើងនៅក្នុងប្រទេសចិន លីប៊ី កាតា អារ៉ាប់រួម និងសហរដ្ឋអាមេរិក នាពេលកន្លងទៅផងដែរ។ ការប្រកួតនៅក្រៅប្រទេសបែបនេះ បានជួយជំរុញកំណើនចំណូលពីការលក់សំបុត្រ៕

អត្ថបទទាក់ទង

ប្រទេសអារ៉ាប៊ីសាអ៊ូឌីតរៀបចំការប្រកួតវគ្គផ្ដាច់ព្រ័ត្រពានរង្វាន់ Super Cup រវាងAC Milanជាមួយ Inter Milan យប់នេះ

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស