គ្រូបង្វឹក Tottenham Hotspur បានចូលមន្ទីរពេទ្យដើម្បីវះកាត់ថង់ទឹកប្រមាត់

Premier League
February 2nd, 2023 (2 years)
667 Views
Share

លោក Antonio Conte គ្រូបង្វឹក Tottenham Hotspur នឹងចូលមន្ទីរពេទ្យដើម្បីវះកាត់ថង់ទឹកប្រមាត់នៅ ក្រោយពីលោកមានអាការចុកពោះធ្ងន់ធ្ងរ។ នេះបើតាមការចុះផ្សាយរបស់ក្លិបនៅលីគកំពូលអង់គ្លេស។

លោក Conte វ័យ៥៣ឆ្នាំ ត្រូវគ្រូពេទ្យរកឃើញថាមានបញ្ហារលាកថង់ទឹកប្រមាត់ ហើយលោកត្រូវតែធ្វើការវះកាត់ដើម្បីព្យាបាល។

បុរសជនជាតិអ៊ីតាលី នឹងត្រលប់មកធ្វើការវិញ បន្ទាប់ពីជាសះស្បើយ ប៉ុន្តែ Spurs មិនទាន់បញ្ជាក់ថាត្រលប់មកវិញពេលណានោះទេ។

លោក Conte ទើបតែបានដឹកនាំក្រុម Spur ឈ្នះនៅ Preston North End ដោយលទ្ធផល ៣-០ ក្នុងជុំទី៤ ពានរង្វាន់ FA Cup កាលពីសប្តាហ៍កន្លងទៅ។

ប្រកួតបន្ទាប់របស់ក្លិបមានមូលដ្ឋាននៅរាជធានីឡុងដ៍មួយនេះ នឹងប៉ះនឹង Man City នៅក្របខណ្ឌ Premier League វិញម្តង ដែលការប្រកួតនឹងធ្វើឡើងនៅចុងសប្តាហ៍នេះ។ Spurs បច្ចុប្បន្ន កំពុងតែឈរចំណាត់ថ្នាក់លេខ ៥ ជាមួយនឹង ៣៦ពិន្ទុក្នុងដៃ។

ដោយឡែក គ្រូជំនួយគឺលោក Cristian Stellini នឹងជាអ្នកដឹកនាំក្រុម Spurs អំឡុងពេលដែលលោក Antonio Conte ត្រូវអវត្តមានដោយសារសម្រាកព្យាបាលជំងឺ៕

អត្ថបទទាក់ទង