វីរបុរសរបស់ Real Madrid បដិសេធដឹកនាំ Leeds United

បាល់ទាត់
February 7th, 2023 (2 years)
743 Views
Share

គ្រូបង្វឹក និងជាវីរបុរសរបស់ Real Madrid លោក Raul បានច្រានចោលឱកាសចូលរួមជាមួយក្រុម Leeds United ដើម្បីជំនួសលោក Jesse Marsch ដើម្បីក្លាយជាអ្នកចាត់ការទូទៅរបស់ក្លិបនៅក្របខណ្ឌ Premier League ។

បច្ចុប្បន្ន Raul គឺជាអ្នកចាត់ការក្រុមថ្នាលយុវជនរបស់ Real Madrid ។ ខ្សែប្រយុទ្ធសញ្ជាតិអេស្ប៉ាញរូបនេះ បានចំណាយពេលក្នុងអាជីពលេងនៅ Real Madrid ដោយឈ្នះពានលីគចំនួន៦ដង និង Champions League ចំនួន ៣ដង។

ចាប់តាំងពីចូលនិវត្តន៍មក Raul បានត្រលប់ទៅទីក្រុងម៉ាឌ្រីដវិញ ដើម្បីគ្រប់គ្រងក្រុមយុវជនរបស់ Real ។ ឥឡូវនេះ យោងតាម AS លោក Raul បានច្រានចោលឱកាសក្នុងការដឹកនាំក្រុម Leeds United បន្ទាប់ពីពួកគេបានបញ្ចប់តំណែងរបស់លោក Marsch ។

Marsch ត្រូវបានបណ្តេញចេញពីតំណែង បន្ទាប់ពីទទួលបានលទ្ធផលមិនល្អ បើទោះបីជារក្សា Leeds ក្នុងក្របខណ្ឌ Premier League កាលពីរដូវកាលមុនក៏ដោយ។ គាត់បានជំនួសតំណែងលោក Marcelo Bielsa នៅពេលដែល Leeds កំពុងធ្លាក់ទៅកាន់តំបន់កាត់ចោល។

ទោះជាយ៉ាងណា របាយការណ៍បានអះអាងថា Raul មិនចាប់អារម្មណ៍ក្នុងការចូលរួមជាមួយក្លិបថ្មីនៅពាក់កណ្តាលរដូវកាលនេះទេ៕

អត្ថបទទាក់ទង

វីរបុរសរបស់ Real Madrid បដិសេធដឹកនាំ Leeds United

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស