បែលហ្ស៊ិក ត្រៀមនាំយកលោក Domenico Tedesco មកជាគ្រូបង្វឹកថ្មីក្រុមបាល់ទាត់ជម្រើសជាតិខ្លួន

បាល់ទាត់
February 8th, 2023 (2 years)
601 Views
Share

ក្រុមបាល់ទាត់ជម្រើសជាតិបែលហ្ស៊ិក មានគម្រោងដើម្បីនាំយកអតីតគ្រូបង្វឹកក្លិប RB Leipzig លោក Domenico Tedesco មកជាគ្រូបង្វឹកថ្មី ខណៈការចរចាកំពុងធ្វើឡើងដោយរលូន។

បុរសជនជាតិអ៊ីតាលីកាត់អាល្លឺម៉ង់ វ័យ៣៧ឆ្នាំ បានយល់ព្រមមកជំនួសកន្លែងរបស់លោក Roberto Martinez ដែលបានលាលែងពីតំណែងពីក្រុមបែលហ្ស៊ិក ទៅដឹកនាំក្រុមជម្រើសជាតិព័រទុយហ្គាល់ ក្រោយចប់ព្រឹត្តិការណ៍ FIFA World Cup 2022។

បែលហ្ស៊ិក នៅត្រូវចរចារឿងថ្លៃឈ្នួលរបស់លោក Domenico Tedesco ជាមួយក្លិប RB Leipzig ព្រោះបើទោះបីជាលោកត្រូវបានបណ្តេញចេញពីតំណែងកាលពីខែកញ្ញាក្តី តែលោកនៅមានសិទ្ធិទទួលបានប្រាក់ឈ្នួលប្រមាណ ១លានអឺរ៉ូពីក្លិបលីគកំពូលអាល្លឺម៉ង់ដដែល។

ក្រៅពីនេះប្រសិនបើក្លិប RB Leipzig ក្លាយជាជើងឯកក្របខណ្ឌ Bundesliga លោក Tedesco នឹងទទួលបានប្រាក់លើកទឹកចិត្តបន្ថែមទៀត។

យ៉ាងណា សមាគមបាល់ទាត់បែលហ្ស៊ិក មានក្តីសង្ឃឹមថា ការប្រកាសពីការតែងតាំងគ្រូបង្វឹកក្រុមជម្រើសជាតិថ្មី នឹងអាចធ្វើឡើងនៅចុងសប្តាហ៍នេះ។

នៅពេលចូលកាន់តំណែង គ្រូបង្វឹកថ្មីរបស់បែលហ្ស៊ិក នឹងមានភារកិច្ចធំៗនៅរង់ចាំនោះគឺការរៀបចំក្រុមឡើងវិញ រួមនឹងការប្រកួតបើកឆាកវគ្គជម្រុះពូល F ពានរង្វាន់ UEFA Euro 2024 ដែលបែលហ្ស៊ិកត្រូវទៅជួបក្រុមស៊ុយអែតនៅថ្ងៃទី ២៤ ខែមីនា ខាងមុខនេះ៕

អត្ថបទទាក់ទង

បែលហ្ស៊ិក ត្រៀមនាំយកលោក Domenico Tedesco មកជាគ្រូបង្វឹកថ្មីក្រុមបាល់ទាត់ជម្រើសជាតិខ្លួន

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស