PSG ធ្លាក់ចេញពីការប្រកួត French Cup ត្រឹមវគ្គ១៦ក្រុមចុងក្រោយ

បាល់ទាត់
February 9th, 2023 (2 years)
583 Views
Share

ក្រុមយក្សបារាំង Paris Saint-Germain ដែលជាជើងឯកពានរង្វាន់ French Cup ១៤សម័យកាល បានចាញ់ក្រុម Olympique de Marseille ក្នុងលទ្ធផល ២-១ ក្នុងវគ្គ ១៦ ក្រុមចុងក្រោយនៃកម្មវិធី French Cup នៅកីឡដ្ឋាន Stade Vélodrome កាលពីយប់មិញ។

អតីតខ្សែប្រយុទ្ធក្រុម Arsenal កីឡាករ Alexis Sanchez បានស៊ុតបញ្ចូលទីគ្រាប់បើកឆាកឱ្យក្រុមម្ចាស់ផ្ទះនាំមុខដោយការទាត់បាល់ប៉េណាល់ទីនៅនាទីទី៣១ បន្ទាប់ពីកំហុសរបស់ Sergio Ramos លើ Cengiz Under។

ប៉ុន្តែ Ramos បានលុបលាងកំហុសវិញ ដោយបានរកគ្រាប់តាមស្មើនៅនាទីទី៤៥បូក២ ប៉ុន្តែ Marseille បានយកឈ្នះតាមរយៈការស៊ុតបញ្ចូលទីដោយខ្សែបម្រើអ៊ុយក្រែន Ruslan Malinovskyi នៅនាទីទី៥៧។

Lionel Messi និង Neymar បានព្យាយាមរកគ្រាប់តាមស្មើ តែមិនបានសម្រេចនោះទេ។ Marseille ដែលឈរនៅលេខ២ ក្នុងក្របខណ្ឌ Ligue 1 តាមពីក្រោយក្រុមកំពូលតារាង PSG បានឈ្នះពាន French Cup លើកចុងក្រោយរបស់ខ្លួន កាលពីរដូវកាល១៩៨៨-៨៩។

ក្រុមទាំងពីរ នឹងត្រូវជួបគ្នាម្តងទៀត នៅថ្ងៃទី ២៦ ខែកុម្ភៈ ក្នុងការប្រកួតលីគនៅក្នុងដីរបស់ Marseille ដែលតាមពីក្រោយ PSG ចំនួន ៨ពិន្ទុ៕

អត្ថបទទាក់ទង

PSG ធ្លាក់ចេញពីការប្រកួត French Cup ត្រឹមវគ្គ១៦ក្រុមចុងក្រោយ

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស