គ្រូ Man UTD ធ្វើការព្រមានខ្សែប្រយុទ្ធ Jadon Sancho

Premier League
February 10th, 2023 (2 years)
766 Views
Share

លោក Erik Ten Hag គ្រូបង្វឹក Man United បានធ្វើការព្រមានទៅដល់ខ្សែប្រយុទ្ធ Jadon Sancho ថា រូបគេត្រូវតែបន្តខិតខំប្រឹងប្រែងថែមទៀត ទើបបានជាប់ជម្រើស១១នាក់ដំបូង។

កាលពីពេលថ្មីៗនេះ Sancho បានរួមចំណែកស៊ុត១គ្រាប់ជួយឱ្យ Man United លេងស្មើ Leeds United ២-២ ក្នុងជំនួបក្របខណ្ឌ Premier League លើទឹកដី Old Trafford ខណៈដែល Marcus Rashford រួមចំណែកស៊ុតបើកឆាកឱ្យបិសាចក្រហមបាន១គ្រាប់ដែរ ឯខាង Leeds វិញគឺកីឡាករ Wifred Gnonto រកបាន១គ្រាប់ហើយ Raphael Varane ស៊ុតចូលទីខ្លួនឯង១គ្រាប់។

រីឯ Sancho វិញទើបតែបានបង្ហាញខ្លួនលើកដំបូងឲ្យ Man United នៅឆ្នាំ២០២៣នេះ បន្ទាប់ពីរូបគេបានទៅហ្វឹកហាត់ពង្រឹងកាយសម្បទាឃ្លាតឆ្ងាយពីក្រុមតាំងពីខែកញ្ញាមកម៉្លេះ។

ដោយឡែកលោក Ten Hag បានព្រមានរូបគេ “ខ្ញុំពិតជាសប្បាយចិត្តជំនួស Jadon Sancho ។ គេបានវិលត្រឡប់មកវិញហើយ ពួកយើងដឹងថាគេជាកីឡាករដ៏អស្ចារ្យ។ ប៉ុន្តែគេត្រូវតែប្រឹងប្រែងដើម្បីជាប់ជម្រើសដំបូង។ វានឹងបំផុសទឹកចិត្តឱ្យគេកាន់តែល្អ។ ខ្ញុំពិតជារីករាយណាស់ ជាពិសេសគឺចំពោះគេ។ វានឹងធ្វើឱ្យគេកាន់តែរឹងមាំ។ បើអ្នកលេងការប្រកួតគឺអ្នកត្រូវការបង្ហាញអត្តចរិតខុសពីនេះ។ អ្នកត្រូវតែត្រៀមខ្លួនឲ្យរួចរាល់និងមានទំនួលខុសត្រូវ។”

ដោយឡែក ក្រោយការចែកគ្នាម្នាក់១ពិន្ទុទល់នឹង Leeds United គឺ Man UTD នៅឈរលេខ៣ ក្នុងតារាងពិន្ទុក្របខណ្ឌ Premier League ដោយមាន ៤៣ពិន្ទុ ខណៈ Leeds United នៅលេខ១៦ មាន១៩ពិន្ទុ។ ក្រុមទាំង២ក៏នឹងត្រូវប៉ះគ្នាសាជាថ្មីនៅចុងសប្តាហ៍នេះ ដោយការប្រកួតធ្វើឡើងនាទីលាន Elland Road របស់ Leeds United វិញម្តង៕

អត្ថបទទាក់ទង