ប្រេស៊ីលបដិសេធការនាំយកលោក Carlo Ancelotti មកដឹកនាំក្រុមជម្រើសជាតិ

បាល់ទាត់
February 13th, 2023 (8 months)
190 Views
Share

សហព័ន្ធបាល់ទាត់ប្រេស៊ីល បានបដិសេធការផ្សព្វផ្សាយដែលលើកឡើងថា ពួកគេនឹងតែងតាំងគ្រូបង្វឹក Real Madrid លោក Carlo Ancelotti មកជាគ្រូបង្វឹកថ្មីក្រុមជម្រើសជាតិខ្លួន។

ជាការពិត មួយរយៈចុងក្រោយនេះ មានព័ត៌មានដែលថា លោក Carlo Ancelotti ទទួលការចាប់អារម្មណ៍ពីក្រុមជម្រើសជាតិប្រេស៊ីល ក្នុងការទៅដឹកនាំជំនួសលោក Tite ដែលបានលាលែងពីតំណែងក្រោយចប់ព្រឹត្តិការណ៍ FIFA World Cup 2022។

ជុំវិញរឿងនេះ សហព័ន្ធបាល់ទាត់ប្រេស៊ីលបានឱ្យដឹងថា៖ “គ្រូបង្វឹកដែលត្រូវបានជ្រើសរើសជាផ្លូវការនឹងត្រូវប្រកាសនៅពេលដ៏ត្រឹមត្រូវ។ ប្រេស៊ីលគ្មានគ្រូបង្វឹកទេ ចាប់តាំងពីលោក Tite ចាកចេញបន្ទាប់ពីបរាជ័យនៅ FIFA World Cup 2022។”

សូមបញ្ជាក់ថា លោក Carlo Ancelotti មិនធ្លាប់ធ្វើជាគ្រូធំក្នុងក្រុមជម្រើសជាតិទេ ដោយធ្លាប់ធ្វើតែជំនួយការគ្រូបង្វឹកក្រុមជម្រើសជាតិអ៊ីតាលី អំឡុងឆ្នាំ១៩៩០ ប៉ុណ្ណោះ៕

អត្ថបទទាក់ទង