Ten Hagពេញចិត្តនឹងកូនក្រុមដែលស្មើជាមួយ Barcelona នៅក្រៅដី

បាល់ទាត់
February 17th, 2023 (2 years)
873 Views
Share

លោក Erik ten Hag អ្នកចាត់ការទូទៅរបស់ក្លិប Manchester United បាននិយាយថា កូនក្រុមរបស់គាត់ថា មានការគ្រប់គ្រងស្ថានភាពបានល្អ និងការតាំងចិត្តខ្ពស់ បន្ទាប់ពីពួកគេបានប្រកួតស្មើក្នុងជើងទី១ វគ្គ Playoff ពានរង្វាន់ Europa League នៅកីឡដ្ឋាន Nou Camp ។

កូនក្រុមរបស់ Xavi បានបើកការនាំមុខដោយការតែតបញ្ចូលទីរបស់ Marcos Alonso នៅដើមវគ្គទីពីរ ប៉ុន្តែ United បានឆ្លើយតបភ្លាមៗតាមរយៈ Marcus Rashford នៅ២នាទីបន្ទាប់ ក្នុងនាទីទី៥២។ ៧នាទីក្រោយមក ខ្សែការពារ Jules Kounde របស់ក្រុម Barcelona បានធ្វើឱ្យបាល់ចូលទីខ្លួនឯង ពីការបញ្ជូនរបស់ Rashford។ ប៉ុន្តែ United មិនអាចរក្សាលទ្ធផលនេះបានឡើយ ខណៈការបញ្ជូនរបស់ Raphinha បានក្លាយជាគ្រាប់បាល់សម្រាប់ម្ចាស់ផ្ទះ។ លទ្ធផលចប់ការប្រកួតក្រុមទាំងពីរបានស្មើគ្នា ២-២ ។

ក្រុមទាំងពីរឆ្ពោះទៅកាន់ការប្រកួតជើងទីរពីរនៅសប្ដាហ៍ក្រោយ នៅកីឡដ្ឋាន Old Trafford របស់ក្រុមបិសាចក្រហម។ ការប្រកួតពានរង្វាន់ Europa League មិនអនុវត្តចំពោះច្បាប់ Away Goal ទៀតឡើយ។

លោក Ten Hag បាននិយាយក្រោយការប្រកួតថា៖ “ខ្ញុំគិតថាវាជាការប្រកួតដ៏អស្ចារ្យមួយ។ ក្រុមទាំងពីរសម្រុកគ្នាទៅវិញទៅមក។ ខ្ញុំគិតថាវាជាការប្រកួត Champions League ច្រើនជាង ដូច្នេះខ្ញុំពិតជារីករាយនឹងការប្រកួតនេះ។ នៅទីបញ្ចប់ ២-២ ហើយយើងត្រូវបញ្ចប់វានៅ Old Trafford ។”

“ពិតណាស់ ខ្ញុំសរសើរដល់ Rashford ពីព្រោះគាត់ស្ថិតក្នុងទម្រង់លេងដ៏អស្ចារ្យ ប៉ុន្តែក្រុមទាំងមូលធ្វើបានល្អ។ ខ្ញុំគិតថា វាគឺជាទម្រង់លេងដ៏ល្អរបស់ក្រុមយើង។ យើងមានគ្រប់គ្រងការប្រកួតនេះបានល្អ និងការតាំងចិត្តខ្ពស់៕”

អត្ថបទទាក់ទង

Ten Hagពេញចិត្តនឹងកូនក្រុមដែលស្មើជាមួយ Barcelona នៅក្រៅដី

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស