Leeds United ត្រៀមប្រកាសពីការតែងតាំងអ្នកចាត់ការថ្មី

Premier League
February 21st, 2023 (2 years)
600 Views
Share

លោក Javi Gracia នឹងត្រូវតែងតាំងជាអ្នកចាត់ការទូទៅថ្មីរបស់ Leeds United ដើម្បីបញ្ចប់ការស្វែងរកអ្នកស្នងតំណែងពីលោក Jesse Marsch ដែលត្រូវបានបញ្ចប់តួនាទី។

Marsch ត្រូវបានបណ្តេញកាលពីថ្ងៃទី៦ ខែកុម្ភៈ ប៉ុន្តែក្រុម Leeds បានប្រឈមមុខនឹងការលំបាកជាច្រើនក្នុងការស្វែងរកអ្នកជំនួសគាត់។

លោក Graciaជនជាតិអេស្ប៉ាញ វ័យ៥២ឆ្នាំ ធ្លាប់បាននាំ Watford ទៅកាន់វគ្គផ្តាច់ព្រ័ត្រ FA Cup កាលពីឆ្នាំ២០១៩ មុនពេលទៅដឹកនាំក្រុម Valencia នៅប្រទេសអេស្ប៉ាញ និង Al Sadd ក្នុងប្រទេសកាតា។

បច្ចុប្បន្ន Leeds ឈរនៅលេខរៀងទី១៩ ក្នុងតារាងនៃក្របខណ្ឌ Premier League ហើយត្រូវជួបក្រុមបាតតារាង Southampton នៅចុងសប្ដាហ៍នេះ។ គ្រូបង្វឹកក្រុមអាយុក្រោម ២១ ឆ្នាំលោក Michael Skubala ត្រូវបានទទួលបន្ទុកបណ្ដោះអាសន្ន។

គួររំឭកថា លោក Gracia ត្រូវបាន Watford បណ្តេញចេញពីតំណែង កាលពីខែកញ្ញា ឆ្នាំ២០១៩ បន្ទាប់ពីចាប់ផ្តើមរដូវកាលមិនល្អ៕

អត្ថបទទាក់ទង