PSG បញ្ជាក់ពីរបួសរបស់ Neymar អំឡុងជ័យជម្នះលើ Lille

បាល់ទាត់
February 22nd, 2023 (2 years)
509 Views
Share

ក្លិប PSG បាននិយាយថា ខ្សែប្រយុទ្ធ Neymar បានរងរបួសត្រង់សរសៃកជើង ក្នុងការប្រកួតដែលពួកគេបានយកឈ្នះ Lille ដោយលទ្ធផល ៤-៣ នៃក្របខណ្ឌ Ligue 1កាលពីថ្ងៃអាទិត្យ។

ខ្សែប្រយុទ្ធប្រេស៊ីល Neymar ដែលបានស៊ុតបញ្ចូលទីគ្រាប់ទីពីរឱ្យ PSG នៅនាទីទី១៧ ត្រូវបានសែងចេញពីទីលានទាំងទឹកភ្នែក នៅដើមតង់ទី២ បន្ទាប់ពីបានប៉ះទង្គិចជាមួយ Benjamin Andre របស់ Lille ។

PSG បាននិយាយនៅក្នុងសេចក្តីថ្លែងការណ៍មួយថា៖ “ការធ្វើតេស្តបន្ថែមនៅថ្ងៃនេះបានបញ្ជាក់ថា Neymar Jr បានរបួសកជើងរបស់គាត់ ដោយមានការខូចខាតសរសៃចងកជើង។ គាត់នឹងឆ្លងកាត់ការធ្វើតេស្តបន្ថែមទៀតនៅដើមសប្តាហ៍ក្រោយ”។ យ៉ាងណា ក្លិបមិនបានបញ្ជាក់ពីរយៈពេលនៃការអវត្តមានរបស់ Neymar នោះទេ។

PSG ត្រូវប្រកួតក្រៅដីជាមួយ Marseille នៅថ្ងៃអាទិត្យ មុនពេលទទួលភ្ញៀវ Nantes ។ បន្ទាប់មក ពួកគេធ្វើដំណើរទៅប៉ះ Bayern Munich សម្រាប់ជើងទីពីរនៃការប្រកួត Champions League វគ្គ ១៦ ក្រុមចុងក្រោយ បន្ទាបពីពួកគេបានចាញ់ ១-០ កាលពីជើងទីមួយ៕

អត្ថបទទាក់ទង

PSG បញ្ជាក់ពីរបួសរបស់ Neymar អំឡុងជ័យជម្នះលើ Lille

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស