គ្រូ Real Madrid សរសើរខ្សែប្រយុទ្ធ Vinicius Junior ក្រោយវាយបកឈ្នះ Liverpool

បាល់ទាត់
February 22nd, 2023 (7 months)
188 Views
Share

លោក Carlo Ancelotti បានធ្វើការកោតសរសើរខ្សែប្រយុទ្ធ Vinicius Junior បន្ទាប់ពីចប់ការប្រកួត ដែល Real Madrid យកឈ្នះ Liverpool កាលពីយប់មិញ។

ការប្រកួតនាទីលាន Anfield ដែលជាជំនួបជើងទី ១ វគ្គ ១៦ ក្រុមចុងក្រោយនៃពានរង្វាន់ UEFA Champions League ក្រុម Real Madrid បានវាយបកយកឈ្នះក្រុមម្ចាស់ផ្ទះ Liverpool ដោយលទ្ធផល ៥-២។

ជាការពិត ក្រុម Liverpool បាននាំមុខ២គ្រាប់មុនទៅហើយ ដែលជាការរកគ្រាប់បាល់បានដោយ Darwin Núñez ក្នុងនាទី៤ និង Mohamed Salah នៅនាទី១៤។ ប៉ុន្តែ Vinicius Junior បានតាមសងស្មើអោយ Real Madrid ដោយការស៊ុតបញ្ចូលទីក្នុងនាទី ២១ និង នាទី៣៦មុនចប់វគ្គទី១។

នៅក្នុងវគ្គទី២ ក្រុម Real Madrid បន្តធ្វើបានល្អដោយការរកគ្រាប់បាល់៣គ្រាប់បន្ថែមទៀតពីសំណាញ់ទីរបស់គូប្រជែង ដែលធ្វើបានដោយ Éder Militão ក្នុងនាទី៤៧ និង Karim Benzema ធ្វើបានក្នុងនាទី ៥៥ និង នាទី៦៧ បញ្ចប់ការប្រកួតដោយជ័យជំនះទាំងស្រុង។

ជុំវិញការបង្ហាញទម្រង់លេងយ៉ាងល្អរបស់ Vinicius Junior លោក Carlo Ancelotti បានឱ្យដឹងបែបនេះថា៖ “ Vinicius បានបង្ហាញនូវទម្រង់លេងដ៏អស្ចារ្យមែនទែន ដោយគេបានរួមចំណែករកបាន ២គ្រាប់ និង បញ្ជូនមួយគ្រាប់ដែលជាការផ្តល់ឱកាសយ៉ាងច្រើនដល់ក្រុមរបស់យើង។គេជាកីឡាករដែលពូកែសម្រេចចិត្តលឿនៗល្អជាងគេនៅលើលោក។ គ្មានអ្នកណាអាចធ្វើបានដូចគេទេ។ គេពិតជាអស្ចារ្យខ្លាំងណាស់។”

ដោយឡែក ក្រុមទាំង២នៅបន្តជួបគ្នា ក្នុងការប្រកួតជើងទី២ទៀត ដែលនឹងធ្វើឡើងនាទីលាន Santiago Bernabéu របស់ក្រុម Real Madrid វិញម្តង នៅថ្ងៃទី១៥ ខែមីនា ខាងមុខ៕

អត្ថបទទាក់ទង